Fakamanatu ʼo Te Ako Faka Teokalatike
Ko te ʼu fehuʼi ʼaenī, ʼe vakaʼi anai ʼi te fai palalau ʼo te fakamanatu ʼo te Ako Faka Teokalatike lolotoga te vāhaʼa ʼaē ʼe kamata ʼi te ʼaho 26 ʼo Sūnio 2006. Ko te taupau ʼo te ako ʼe ina fai anai te fakamanatu iā minuta e 30, ʼo fakatafito ki te ʼu akonaki ʼaē neʼe vakaʼi ʼi te ʼu vāhaʼa ʼo te ʼaho 1 ʼo Maio ʼo aʼu ki te ʼaho 26 ʼo Sūnio 2006. [Nota: Ko te ʼu fehuʼi ʼaē ʼe mole tuʼu ai he tohi ke vakaʼi, ʼe koutou fai anai e koutou totonu hakotou ʼu kumi moʼo maʼu te ʼu tali.—Vakaʼi te tohi École du ministère pp. 36-37.]
HE KALITĀTĒ KI TE FAIAKONAKI
1. Koteā te fakafuafua lelei ʼo te mālohi pea mo te ʼaveʼave ʼo tokotou leʼo, pea he koʼe ʼe maʼuhiga? [be p. 111, mo te ʼu fakamatala ʼaē ʼe ʼātakai]
2. E feafeaʼi tatatou fakaʼaluʼalu tatatou palalau mokā tou faiakonaki? [be p. 112 pal. 3–p. 113 pal. 1, mo te fakamatala ʼaē ʼe ʼātakai]
3. Koteā ʼaē ʼe tonu ke tou fai ke maʼuli tatatou akonaki, pea he koʼe ʼe maʼuhiga? [be p. 115 pal. 2, mo te ʼu fakamatala ʼaē ʼe ʼātakai]
4. Kapau ʼe tou akoʼi te hahaʼi, he koʼe ʼe maʼuhiga ke tou loto māfana, pea e feafeaʼi tatatou fai ia te faʼahi ʼaia? [be p. 118 pal. 2-5]
5. Fakamahino te maʼuhiga ʼo te fakaʼaogaʼi ʼo te ʼu nima pea mo te agaaga ʼo te fofoga ʼi tatatou ʼu fai palalau. (Mat. 12:48, 49) [be p. 121, mo te ʼu fakamatala ʼaē ʼe ʼātakai]
AKONAKI N° 1
6. ʼE fakavikiviki feafeaʼi e te tohi ʼo Sopo ia Sehova pea mo ina faka maʼuhigaʼi feafeaʼi tana ʼu pelesepeto faitotonu ʼaē ʼe ʼaoga ki te maʼuli? [si p. 100 pal. 39, 41]
7. Koteā ʼaē ʼe ina fakamoʼoni ki te tohi ʼo te ʼu Pesalemo? [si p. 103 pal. 10-11]
8. ʼE talanoa koa iā Taʼaga Lea 13:16 ki te tagata ʼaē ʼe fakasiosio poto ʼo faka ʼuhiga ko he tahi ʼe kākā? Koutou fakamahino. [w04 15/7 p. 28 pal. 3-4]
9. ʼE tokoni feafeaʼi te laumālie maʼoniʼoni kiā tatou, pea koteā ʼaē ʼe ina fakaloto mālohiʼi tatou ke tou fai? (Soa. 14:15, 26) [be p. 19 pal. 2-3]
10. Koteā te faka ʼuhiga māhani ʼo te haʼu ʼa Sesu, pea ʼe tou mahino feafeaʼi ki te “haʼu” ʼaē neʼe talanoa kiai ia Sesu iā Mateo 26:28? [w04 1/3 p. 16, mo te fakamatala ʼaē ʼe ʼātakai]
LAU ʼO TE TOHI-TAPU ʼI TE VĀHAʼA FULI
11. Koteā ʼaē ʼe feala ke tou ako ʼi te tali ʼaē neʼe fai e Sopo kiā Sehova ʼaē ʼe tou lau iā Sopo 42:1-6?
12. Koteā te “meʼa noa” ʼaē ʼe muhumuhu kiai te ʼu puleʼaga? (Pes. 2:1, 2)
13. Ko te ʼu fakatafito fea ʼaē ʼe maumauʼi? (Pes. 11:3)
14. Koteā te ‘totogi fakalaka’ ʼaē ʼe foaki ki he tagata fialahi? (Pes. 31:23)
15. E feafeaʼi totatou fakaloto fīmālieʼi e te Pesalemo 40 ʼo ʼuhiga mo te tōtō ʼo te kakano agahala pea mo te ʼu malaʼia fuli ʼaē ʼe hoko ʼi te mālama ʼaenī? (Pes. 40:1, 2, 5, 12)