Fakamanatu ʼo Te Ako Faka Teokalatike

Ko te ʼu fehuʼi ʼaenī ʼo te fakamanatu, ʼe vakaʼi anai ʼi te Ako Faka Teokalatike lolotoga te vāhaʼa ʼaē ʼe kamata ʼi te ʼaho 26 ʼo Fepualio 2007. Ko te tagata taupau ʼo te ako ʼe ina fai anai te fakamanatu iā minuta e 30, ʼo fakatafito ki te ʼu akonaki ʼaē neʼe vakaʼi ʼi te ʼu vāhaʼa ʼo te ʼaho 1 ʼo Sānualio ʼo aʼu ki te vāhaʼa ʼo te ʼaho 26 ʼo Fepualio 2007. [Nota: Ko te ʼu fehuʼi ʼaē ʼe mole tuʼu ai he tohi ke vakaʼi, ʼe kotou fai anai e koutou totonu hakotou ʼu kumi moʼo maʼu te ʼu tali.—Vakaʼi te tohi École du ministère pp. 36-37.]

HE KALITĀTĒ KI TE FAIAKONAKI

1. Ko te temi fea ʼaē ʼe tonu ai ke fakahā ia te ʼaoga ʼo te ʼu manatu ʼaē ʼe tou lolotoga vakaʼi, pea ʼe feafeaʼi anai hatatou fai te faʼahi ʼaia? [be p. 158 pal. 1-3]

2. He koʼē ʼe maʼuhiga ke tou fakahā ki te nofoʼaki ia te ʼaoga ʼo te ʼu manatu ʼaē ʼe tou talanoa kiai, pea ʼe feafeaʼi anai hatatou fai te faʼahi ʼaia? [be p. 159 pal. 2-3]

3. He koʼē ʼe maʼuhiga ke tou fili fakalelei te ʼu kupuʼi palalau ʼaē ʼe tou fakaʼaogaʼi? [be p. 160]

4. Koteā ʼaē kā tokoni anai kiā tātou ke tou fakaʼaogaʼi totonu ni ʼu kupuʼi palalau? [be p. 161 pal. 5-6; p.162 pal. 1, 4]

5. Koteā te ʼu lelei ʼe tou maʼu mo kapau ʼe tou ʼiloʼi te ʼu manatu tāfito ʼo he akonaki peʼe ko he akonaki neʼe tohi ki he pepa? [be p. 166 pal. 1-3]

AKONAKI N° 1

6. ʼE feafeaʼi he teuteuʼi ʼo he lautohi? [be p. 43 pal. 2, 4]

7. Koteā ʼaē ʼe maʼuhiga ke tou fai moʼo fakatuputupu iā tātou ohagē ko Sehova, ia te ʼofa ki te meʼa ʼaē ʼe lelei pea mo te fehiʼa ʼaē ki te meʼa ʼaē ʼe kovi? (Hep. 5:14) [w05 1/1 p. 9 pal. 11]

8. Koteā ʼaē ʼe tonu ke tou manatuʼi mo kapau ʼe tou lau ʼi te Tohi-Tapu he manatu ʼe ina fakatupu iā tātou he lotolotolua ʼo ʼuhiga mo te faitotonu ʼa Sehova? [w05 1/2 p. 24 pal. 7]

9. Koteā anai kā kotou fai mo kapau ʼe hoko he fihi ʼi te lao ʼa te ʼAtua pea mo te ʼu fakatotonu ʼa te tagata? [w05 15/4 p. 12 pal. 9]

10. ʼE fakatokagaʼi feafeaʼi mai e Isaia ia te Puleʼaga faka Mesianike pea mo te tagata fakamelomelo ʼaē ko Soane Patita? [si p. 123 pal. 35]

LAU ʼO TE TOHI-TAPU ʼI TE VĀHAʼA FULI

11. Koteā “te pūlou” pea mo “te kie” ʼaē ʼe talanoa kiai iā Isaia 25:7?

12. ʼE lava feafeaʼi ki te hahaʼi hanatou “sio” pea mo “fagono” kiā Sehova? (Isa. 30:20, 21)

13. ʼE moʼoni peʼe hala: Ko te kole ʼaē neʼe fai e Esekiasi iā Isaia 38:3, neʼe ina fai ʼuhi pē he neʼe fia maʼuli fualoa.

14. Ko te faʼahi fea ʼaē neʼe feala ai ki te kau Iselaele ke natou gāue ohagē ko he kau fakamoʼoni ʼa Sehova, pea ʼe feafeaʼi hatatou faʼifaʼitakiʼi nātou? (Isa. 43:10)

15. Kapau ʼe tou lau ia te faʼifaʼitaki ʼaē ʼe tuku mai iā Isaia 52:11, 12, koteā ʼaē ʼe fakamaʼua kiā tātou ke tou “fua te ʼu ʼipu ʼa Sehova”?