Te ʼu Tonu

◼ Te tufa ʼo te māhina ʼo Maio: Ko Te Tule Leʼo pea mo te Réveillez-vous ! Kā kotou ʼaʼahi te hahaʼi ʼaē ʼe fia logo, ʼo fēia mo nātou ʼaē neʼe kau ki te ʼAho Fakamanatu peʼe ki he tahi age ʼu fakatahi faka teokalatike, kae ʼe mole natou ki te kōkelekāsio, kotou faiga ke kotou kamata he ʼu ako Tohi-Tapu mo te tohi Te Ako Mai Te Tohi-Tapu. Sūnio: Te tohi Te Manuʼia Faka Famili. Sūlio Mo ʼAukusitō: ʼE Koutou Lava Kaumeʼa Mo Te ʼAtua! peʼe ko he tahi age kaupepa ʼi te ʼu kaupepa ʼaenī e pāsina 32: ʼE Tokaga Moʼoni Koa Te ʼAtua Kia Tatou?, Fiafia Kite Mauli Heegata Ite Kele!, Koteā ʼAē ʼe Hoko Kia Tatou Mokā Tou Mamate?, Kote puleaga ae ka ina fakatuu anai te Palatiso, Mokā Mate He Tahi ʼe Tou ʼOfa Mamahi Ai, Te ʼu laumālie ʼo te kau mate—ʼE feala koa hanatou tokoniʼi koutou peʼe nātou fakahalaʼi koutou? ʼE nātou maʼuʼuli moʼoni koa?

◼ ʼE tonu ki te ʼu kolesi ʼa te kau tagata ʼāfea ke natou toe vakaʼi ia te tohi ʼo te ʼaho 6 ʼo Sūlio 2006, ʼaē ʼe talanoa ai ʼo ʼuhiga mo te ʼu teuteu fakatomuʼa mokā hoko mai he tuʼutāmaki ʼi te kele pea ke natou nonofo mo he lisi ʼo te ʼu fakaʼiloʼilo ʼo ʼuhiga mo te kau fai faka mafola fuli. ʼI te ʼu koga meʼa tuʼutāmakiʼia, ʼe tonu ke toe ʼi ai he tahi age lisi ʼo nātou ʼaē ke felōgoi fakavilivili mo te kau tagata ʼāfea mokā hoko he tuʼutāmaki. ʼO mole gata ʼaki pē ʼi te ʼu ʼaluʼaga ʼaia mokā hoko he tuʼutāmaki, kae ʼe tonu ki te kau fai faka mafola ke natou felōgoi mo tanatou ʼu taupau Ako Tohi peʼe ko he tahi age tagata ʼāfea mo kapau ʼe natou ʼolo ki he faʼahi ʼi he temi loaloaga, ohagē lā ʼe natou folau mālōlō peʼe natou ʼolo ʼo gāue, peʼe natou takoto mahaki ʼi te lōpitali.