Fakamanatu ʼo Te Ako Faka Teokalatike

Ko te ʼu fehuʼi ʼaenī ʼo te fakamanatu, ʼe vakaʼi anai ʼi te Ako Faka Teokalatike lolotoga te vāhaʼa ʼaē ʼe kamata ʼi te ʼaho 27 ʼo ʼAukusitō 2007. Ko te tagata taupau ʼo te ako ʼe ina fai anai te fakamanatu iā minuta e 30, ʼo fakatafito ki te ʼu akonaki ʼaē neʼe vakaʼi ʼi te ʼu vāhaʼa ʼo te ʼaho 2 ʼo Sūlio ʼo aʼu ki te vāhaʼa ʼo te ʼaho 27 ʼo ʼAukusitō 2007.

HE KALITĀTĒ KI TE FAIAKONAKI

1. ʼE tou lava fakahā feafeaʼi tatatou fakaʼapaʼapa ki te hahaʼi ʼi tatatou minisitelio pea mo ʼi te kōkelekāsio? [be p. 192 pal. 2-4]

2. Koteā ʼaē ʼe maʼuhiga mo kapau ʼe tou fakahā tatatou tui papau kā tou palalau ki te hahaʼi? [be p. 196 pal. 1-3]

3. Ko te ʼu manatu fea ʼaē ʼe tokoni anai kiā tātou ke tou palalau fakapotopoto ʼi te fai faka mafola? [be p. 198 pal. 1-5]

4. ʼE tou fakahā feafeaʼi he aga fakapotopoto ʼi tona temi totonu kā tou fai palalau mo ʼihi? (Taag. 25:11) [be p. 199 pal. 1-3]

5. ʼE feafeaʼi hatatou fai he ʼu palalau lelei mokā tou faiakonaki? [be p. 203 pal. 3–p. 204 pal. 1]

AKONAKI N° 1

6. Koteā ʼaē ʼe feala ke tou ʼui ʼo ʼuhiga mo te meʼa ʼaē neʼe tohi ʼi te tohi ʼo Esekiele pea mo te fakamoʼoni ʼaē ʼe ko he tohi mai te ʼAtua? [si p. 133 pal. 3]

7. Ko te kalitātē fea ʼaē ʼe maʼuhiga ki he tahi ke ina faʼa kātaki he aga heʼe faitotonu? [w05 1/6 p. 29 pal. 4]

8. Koteā te ako ʼe tou tāʼofi mai te tali ʼa Sesu ki te fehuʼi age ʼa te kau Satuseo kiā ia ʼo ʼuhiga mo te fakatuʼuake? (Luka 20:37, 38) [be p. 66 pal. 4]

9. ʼE feafeaʼi hakotou tali, mo kapau ko he tahi ʼe ina ako te Tohi-Tapu peʼe ko he tahi tehina ʼe ina fehuʼi atu te meʼa ʼaē ʼe tonu ke ina fai ʼi he faʼahiga ʼaluʼaga? [be p. 69 pal. 4-5]

10. ʼE feafeaʼi hakotou “fakafoʼou ia koutou ʼi te mālohi ʼaē ʼe ina uga tokotou ʼatamai”? (Efe. 4:23) [be p. 74 pal. 4]

LAU ʼO TE TOHI-TAPU ʼI TE VĀHAʼA FULI

11. Iā Esekiele 9:2-4, ko ai ʼaē ʼe fakatā kiai ia te tagata ʼaē ʼe teu ki te lino, pea koteā te faka ʼuhiga ʼo te “fakaʼiloga ʼi te laʼe”? [wF88 15/9 p. 14 pal. 18]

12. ʼE tatau feafeaʼi te kau takitaki lotu ʼo te Keletiate pea mo te “kau polofetā vavale, ʼaē [neʼe] natou haʼele ʼo mulimuli ki tanatou ʼu manatu ʼa nātou totonu,” ʼaē ʼe fakahā iā Esekiele 13:3? [w99 1/10 p. 13]

13. ʼI te fai ʼo te “tākuga lea” ʼaē ʼe tuʼu iā Esekiele 18:2, koteā ʼaē neʼe faiga ke fai e te kau Iselaele, pea koteā te ako maʼuhiga ʼe fakahā lelei ai ʼo ʼuhiga mo te huʼi maʼua? [wF88 15/9 p. 18 pal. 10]

14. ʼE faka ʼuhiga feafeaʼi te ʼui ʼaē ko Esekiele neʼe liliu ʼo “noa,” peʼe “ ʼalelo mate” lolotoga te temi ʼaē neʼe ʼātakai pea mo fakaʼauha ai ia Selusalemi? (Esk. 24:27; 33:22) [w03 1/12 p. 29]

15. Ko ai ia “Koke ʼo te fenua ʼo Makoke,” pea ko te temi fea ʼaē ʼe ina faigaʼi anai ke ina fakaʼauha ia te hahaʼi ʼa Sehova? (Esk. 38:2, 16) [w97 1/3 p. 14 pal. 1–p. 15 pal. 3]