Te ʼu Tonu

◼ Te tufa ʼo Sūnio: Te ʼu kaupepa lalahi Kotou Nonofo ʼAlaʼala! pea mo Kote puleaga ae ka ina fakatuu anai te Palatiso. ʼE feala ke kotou toe tufa mo te tohi Koutou Atolasio Ki Te ʼAtua. Sūlio Pea Mo ʼAukusitō: Te kaupepa lahi Kotou Nonofo ʼAlaʼala! ʼE feala hakotou tufa mo te ʼu kaupepa lalahi ʼE Koutou Lava Kaumeʼa Mo Te ʼAtua! pea mo Koteā ʼAē ʼe Hoko Kia Tatou Mokā Tou Mamate? Sepetepeli: Te tohi Te Manuʼia Faka Famili peʼe ko te tohi Koteā ʼAē ʼe Akoʼi Moʼoni Mai ʼi Te Tohi-Tapu? ʼE tou faiga tāfito anai ke tou kamata he ʼu ako Tohi-Tapu ʼi te temi pē ʼaē ʼe tou foaki age ki te hahaʼi ia te tohi. Tou fakahā age ʼe feala ke ʼaoga kiā nātou ia te tohi, ʼo tou fakahā fakanounou age ia te faʼahiga fai ʼo he ako Tohi-Tapu.

◼ Kapau ʼe kotou fakatuʼutuʼu ke kotou ʼolo ki he fenua ʼe mole tuʼu ʼi te tānaki gāue ʼo te taʼu peʼe mole hā tona tuʼasila ʼi te pāsina fakaʼosi ʼo te Annuaire fakamuli, pea ʼe lelei ke kotou felōgoi mo takotou filiale, ke fakahā atu ia te ʼu fakatuʼutuʼu peʼe ko he ʼu fakatotonu makehe ʼe lagi ʼaoga ke kotou mulimuli kiai. ʼE lagi ko te fakamafola ʼo te logo lelei ʼo te Puleʼaga ʼi te fenua ʼaia ʼe ʼi ai hona ʼu tuʼakoi. (Mat. 10:16) ʼI ʼihi fenua ʼe lagi ʼaoga anai ki te kau Fakamoʼoni matāpule ke mole natou felāveʼi mo te kau Fakamoʼoni ʼo te fenua peʼe ko te ʼu kōkelekāsio. ʼE feala ke foaki atu he tahi ʼu fakatuʼutuʼu ʼo ʼuhiga mo te fai fagonogono faigamālie peʼe ko te ʼave ʼo he ʼu tohi. Kā kotou mulimuli ki te ʼu fakatotonu ʼa te filiale, pea ʼe mole hoko anai he ʼu fihifihia kiā koutou pea mo te fakamafola ʼo te logo lelei ʼo te Puleʼaga.—1 Ko. 14:33, 40.