Te ʼu Tonu

◼ Te tufa ʼo Tesepeli: Te tagata ʼaē ʼe lahi tokotahi ʼo te ʼu temi fuli peʼe ko te tohi Te Fakahā—Kua Ovi Mai Tona Ikuʼaga Lahi! Sānualio: Te ʼAtamai Mālama peʼe Koteā ʼAē ʼe Akoʼi Moʼoni Mai ʼi Te Tohi-Tapu? Fepualio: Te Kalavi ʼo Te Manuʼia Faka Fāmili peʼe ko Te Tohi ʼo Te ʼu Hisitolia Faka Tohi-Tapu. Malesio: Koteā ʼAē ʼe Akoʼi Moʼoni Mai ʼi Te Tohi-Tapu? ʼE tou faiga tāfito anai ke tou kamata he ʼu ako Tohi-Tapu.

◼ ʼE fai anai te ʼAho Fakamanatu ʼo te taʼu 2011 ʼi te ʼAhotapu, ʼaho 17 ʼo ʼApelili ʼi te ʼosi tō ʼo te laʼā. Ko te fakahā fakatomuʼa ʼaenī moʼo fakafealagia ki te ʼu tehina ke natou foimo fai he ʼu fakatuʼutuʼu, mokā tonu ke tāʼofi he ʼu fale peʼe ke fai he ʼu pepa ʼo ʼuhiga mo he ʼu fale, mo kapau ʼe lahi ia te ʼu kōkelekāsio ʼe natou fakaʼaogaʼi ia te Fale ʼo Te Puleʼaga, ʼo maʼua ai ke maʼu he tahi age ʼu fale.

◼ Kua vave tau mai ki te ʼu kōkelekāsio te ʼu pepa fai fakaafe ki te ʼAho Fakamanatu ʼo te taʼu 2010 ʼi te lea ʼo te ʼu kōkelekāsio takitahi. Kapau ʼe ʼi ai he tahi ʼu lea ʼi tokotou telituale pea mo kotou loto ki he ʼu pepa fai fakaafe ʼi te ʼu lea ʼaia, ʼe tonu ke kotou foimo kole fakavilivili te ʼu pepa ʼaia ʼi te pepa Demande de publications (Fakaʼui Tohi) (S-14). Ko te lisi ʼo te ʼu lea ʼaē neʼe fakaliliu kiai te ʼu pepa fai fakaafe ki te ʼAho Fakamanatu ʼe tuʼu anai ʼi te pepa “Avis aux congrégations” (Te Logo Ki Te ʼu Kōkelekāsio Fuli), ʼaē ʼe momoli ʼi te māhina fuli ki te ʼu kōkelekāsio.