Te ʼu Logo Maʼuhiga ʼo Totatou Minisitelio

Lolotoga ia te taʼu gāue 2009, neʼe tou maʼu ia te laka foʼou ʼo ʼuhiga mo te gāue, ʼe ko te 4 ʼi te teau ʼi Niu-Kaletōnia pea ko te 5 ʼi te teau ʼi Vanuatu. Ko te fakakātoa ʼo te kau papitema ko te toko 57 ʼi Niu-Kaletōnia, mo te toko 29 ʼi Vanuatu, pea mo te toko 5 ʼi ʼUvea. Pea ʼe ko he ʼu logo lelei moʼo kamata ʼaki ia te taʼu fakateokalatike foʼou. Ki te māhina ʼo Sepetepeli, neʼe maʼu te ʼu fakaʼui foʼou ki te selevisi pioniē kātoa: ʼi te temi nei ko te kau pioniē kātoa e toko 122 ʼi Niu-Kaletōnia, mo te toko 33 ʼi Vanuatu, pea mo te toko 10 ʼi ʼUvea. ʼOfa pē ke tapuakina e Sehova ia te kau pioniē kātoa foʼou! (Pes. 110:3) Ko te kātoa ʼo nātou ʼaē neʼe kau ki te ʼu Fakatahi Fakatisitilike e fā ʼi Niu-Kaletōnia, neʼe ko te toko 4 194 pea neʼe papitema ai ia te toko 23.