Te ʼu Tonu

◼ Te tufa ʼo Malesio: Koteā ʼAē ʼe Akoʼi Moʼoni Mai ʼi Te Tohi-Tapu? Kotou faiga ke kotou kamata he ʼu ako Tohi-Tapu. ʼApelili Pea Mo Maio: Ko Te Tule Leʼo pea mo te Réveillez-vous ! ʼE tou faiga tāfito anai mokā tou ʼaʼahi te hahaʼi ʼaē ʼe fia logo pea neʼe kau ki te ʼAho Fakamanatu peʼe ki te akonaki makehe maʼa te hahaʼi fuapē kae ʼe mole natou ʼomai putuputu ki te kōkelekāsio, ke tou tuku age kiā nātou ʼaia ia te tohi foʼou Koteā ʼAē ʼe Akoʼi Moʼoni Mai ʼi Te Tohi-Tapu? Ko te fakatuʼutuʼu ʼo te ʼu ʼaʼahi ʼaia, ke kamata he ako Tohi-Tapu mo nātou ʼaē mole heʼeki fai hanatou ako. Sūnio: Te tohi Te ʼAtamai Mālama. Kapau ʼe mole kei maʼu te tohi ʼaia e te ʼu kōkelekāsio, ʼe feala ke tufa ia te tohi Te Ako Mai Te Tohi-Tapu peʼe ko te kaupepa lahi Kotou Nonofo ʼAlaʼala!

◼ ʼE tonu ke foimo tufa te ʼu Tule Leʼo pea mo te ʼu Réveillez-vous ! foʼou ʼi te temi pē ʼaē ʼe tau mai ai. Heʼe feala ai anai ki te kau fai fakamafola ke natou ʼiloʼi lelei te ʼu nusipepa ʼi muʼa ʼo tanatou tufa ʼaē ʼi te telituale.

◼ ʼE fai anai ia te ʼAho Fakamanatu ʼi te Feliatolu, ʼaho 30 ʼo Malesio 2010. Kapau ʼe fai māhani takotou fono ʼi te Feliatolu, ʼe fai anai he ʼu puleʼaki ke fetogi te ʼaho fono, ke fai ʼi he tahi ʼaho ʼo te vāhaʼa. Kapau ʼe lahi te ʼu kōkelekāsio ʼe natou fakaʼaogaʼi ia te Fale ʼo Te Puleʼaga, ʼo mole feala ai ke fetogi te ʼaho fono, pea ʼe mole fai anai ia te fono. Ko te ʼu koga ʼo te Fono Gāue ʼaē ʼe ʼaoga tāfito ki takotou kōkelekāsio, ʼe feala hona vakaʼi ʼi te polokalama ʼo he tahi age Fono Gāue.