Fakamanatu ʼo Te Ako Fakateokalatike

Ko te ʼu fehuʼi ʼaenī ʼo te fakamanatu, ʼe vakaʼi anai ʼi te Ako Fakateokalatike lolotoga te vāhaʼa ʼaē ʼe kamata ʼi te ʼaho 28 ʼo Sūnio 2010. Ko te taupau ʼo te ako ʼe ina fai anai te fakamanatu iā minuta e 20, ʼo fakatafito ki te ʼu akonaki ʼaē neʼe vakaʼi ʼi te ʼu vāhaʼa ʼo te ʼaho 3 ʼo Maio ʼo aʼu ki te vāhaʼa ʼo te ʼaho 28 ʼo Sūnio 2010.

1. Koteā ʼaē ʼe feala ke tou ako mai te putu ʼaē neʼe fai e Tavite ʼo ʼuhiga mo Apinea? (2 Sam. 3:31-34) [w05 15/5 p. 17 pal. 5; w06 1/8 pp. 8, 9 pal. 9-10]

2. Koteā te hala ʼaē neʼe fai e Natane, pea he koʼē neʼe mole fakagata tana gāue ohagē ko he polofetā ʼa Sehova? (2 Sam. 7:3) [rs-F p. 153 pal. 9]

3. Neʼe hoko feafeaʼi ia te manatu ʼaē iā 2 Samuele 7:14? [it-1-F p. 554 pal. 5, it-1-F p. 279 pal. 3]

4. Neʼe hā feafeaʼi ia te lotoʼofa ʼo Tavite ʼi te ʼu meʼa ʼaē neʼe ina fai kiā Mefiposete, pea ʼe tonu ke malave feafeaʼi ia te faʼahi ʼaia kiā tātou? (2 Sam. 9:7) [w02 15/5 p. 19 pal. 5]

5. Koteā te ʼu ako ʼe feala ke tou tāʼofi mai te felōgoi ʼa Itai te Kitite pea mo te Hau ko Tavite? (2 Sam. 15:19-22) [w09-F 15/5 pp. 27-28]

6. ʼO fakatafito ki te Tohi-Tapu, ʼe tou lava mahino feafeaʼi ko te ʼu tukugākovi ʼaē neʼe fai e Sipa ʼo ʼuhiga mo Mefiposete, neʼe ko he ʼu loi? (2 Sam. 16:1-4) [w02 15/2 pp. 14-15 pal. 11, kiʼi nota.]

7. ʼI te kole age e Tavite kiā Palesilai ʼaē neʼe taʼu 80 ke kau ki te hahaʼi ʼaē neʼe gāue ʼi tona fale hau, he koʼē neʼe ʼui age e Palesilai ke ina filifili ia Kimame? (2 Sam. 19:33-37) [w07 1/6 p. 26 pal. 13]

8. Neʼe liliu feafeaʼi ia Tavite ʼo lahi ʼaki ia te agavaivai ʼa Sehova? (2 Sam. 22:36) [w07-F 1/11 p. 5 pal. 1; w04 1/11 p. 29]

9. He koʼē ʼi te kei maʼuli ʼa Tavite neʼe faiga ia Atonisa ke ina faʼao ia te tuʼulaga hau? (1 Hau 1:5) [w05 1/7 p. 28 pal. 5]

10. He koʼē neʼe tali e Sehova ki te kole ʼaē neʼe fai age e Salomone ke ina maʼu ia te poto pea mo te fakasiosio tonu? (1 Hau 3:9) [w05 1/7 p. 30 pal. 2]