Te ʼu Tonu

◼ Te tufa ʼo Sepetepeli: Te tohi Koteā ʼAē ʼe Akoʼi Moʼoni Mai ʼi Te Tohi-Tapu? ʼE tou faiga tāfito anai ke tou kamata he ʼu ako Tohi-Tapu ʼi te temi pē ʼaē ʼe tou foaki age ki te hahaʼi ia te tohi. ʼOketopeli: Te Tule Leʼo pea mo te Réveillez-vous ! Kapau ʼe fia logo he tahi, kotou fakahā age ia te kiʼi pepa lotu ʼE Kotou Fia ʼIloʼi Koa Te Moʼoni? ʼaki te fakatuʼutuʼu ʼaē ke kamata he ako Tohi-Tapu. Novepeli: Te ʼu kaupepa lalahi La Bible — Quel est son message ?, Te ʼu laumālie ʼo te kau mate—ʼE feala koa hanatou tokoniʼi koutou peʼe nātou fakahalaʼi koutou? ʼE natou maʼuʼuli moʼoni koa?, Koteā ʼAē ʼe Hoko Kia Tatou Mokā Tou Mamate? peʼe ko he tahi age kaupepa lahi ʼe maʼu ʼi te tānakiʼaga tohi ʼo te kōkelekāsio. Tesepeli: Te tohi Te tagata ʼaē ʼe lahi tokotahi ʼo te ʼu temi fuli. Kapau ʼe ʼi ai he fānau ʼi te loto fale, pea kotou tufa te tohi Te Tohi ʼo Te ʼu Hisitolia Faka Tohi-Tapu.

◼ Ko te akonaki makehe ʼaē kā fai ʼi te temi ʼo te ʼAho Fakamanatu ʼo te taʼu 2011, ʼe fai anai ʼi te vāhaʼa ʼo te ʼaho 25 ʼo ʼApelili 2011. ʼE hoki tala atu anai ia te kupu tāfito ʼo te akonaki. Ko te ʼu kōkelekāsio ʼaē ʼe ʼaʼahi e te taupau ʼo te silikō peʼe natou kau ki he fakatahi lahi ʼi te fakaʼosi vāhaʼa ʼaia, ʼe fai anai tanatou akonaki makehe ʼi te vāhaʼa ʼaē kā hoa mai kiai. ʼE mole fai anai ia te akonaki makehe ʼi muʼa ʼo te ʼaho 25 ʼo ʼApelili.

◼ ʼO kamata atu ʼi te vāhaʼa ʼo te ʼaho 24 ʼo Sānualio 2011, ʼe akoʼi anai te tohi Koutou Atolasio Ki Te ʼAtua Moʼoni Pe e Tahi ʼi te Ako Tohi-Tapu ʼo Te Kōkelekāsio. Ko te ʼu kōkelekāsio ʼaē ʼe ʼaoga kiai te ʼu tohi ʼaia, ʼe natou fakaʼui anai.

◼ ʼE fakamanatuʼi atu ko te kau tūpulaga fuli, tagata mo fafine, ʼaē ʼe natou puleʼaga falani, ʼe tonu ke natou ʼolo ʼo tohi tonatou higoa ʼi te lameli ʼaē ʼe natou nonofo ai, ʼi tonatou kua taʼu 16. Ko te kau tūpulaga Kilisitiano ʼaē ʼe tonu ke natou fai te faʼahi ʼaia, ʼe tonu ke natou foimo fai, heʼe ko he fakamaʼua Fakakilisitiano ke fakaʼapaʼapa ki te ʼu pule taki.