Te ʼu Tonu

◼ Te tufa ʼo Malesio: Koteā ʼAē ʼe Akoʼi Moʼoni Mai ʼi Te Tohi-Tapu? ʼE tou faiga tāfito anai ke tou kamata he ʼu ako Tohi-Tapu. ʼApelili Pea Mo Maio: Ko Te Tule Leʼo pea mo te Réveillez-vous ! ʼI tatatou ʼaʼahi te hahaʼi ʼaē ʼe fia logo pea mo nātou ʼaē neʼe kau ki te ʼAho Fakamanatu peʼe ki te tahi ʼu fono Fakateokalatike kae ʼe mole natou ʼomai putuputu ki te kōkelekāsio, ʼe tou faiga anai ke tou kamata he ʼu ako Tohi-Tapu ʼaki te tohi Koteā ʼAē ʼe Akoʼi Moʼoni Mai ʼi Te Tohi-Tapu? Sūnio: Te tohi Koteā ʼAē ʼe Akoʼi Moʼoni Mai ʼi Te Tohi-Tapu? Peʼe ko te tohi Les jeunes sʼinterrogent — Réponses pratiques, Volume 1.

◼ Kā tou fai fakamafola ki he tahi ʼe palalau Fakasiaina, kotou fakahā age te kiʼi kaupepa Nations ʼi te pāsina ʼaē ʼe tuʼu ai te lea Fakasiaina (ʼĀfea) (CH) pea mo te Fakasiaina (ʼaē neʼe fakafaigafua) (CHS), ke kotou ʼiloʼi ai pe ko te lea fea ʼaē ʼe ina fia lau. ʼI te agamāhani, ko te hahaʼi mai Hong Kong peʼe ko Taïwan ʼe natou fia lau ia te ʼu tohi ʼi te Fakasiaina (ʼĀfea) (CH), kae ko nātou ʼaē mai Siaina ʼe natou leleiʼia nātou te Fakasiaina (ʼaē neʼe fakafaigafua) (CHS). Kae ʼo ʼuhiga mo te ʼu viteo peʼe ko te ʼu tohi ʼaē neʼe puke leʼo, kotou faiga ke kotou ʼiloʼi peʼe ko te lea fea ʼaē ʼe palalau pea mo mahino lelei kiai ia ia ʼaē ʼe kotou fai palalau mo ia. ʼI te agamāhani, ko te hahaʼi mai Siaina pea mo Taïwan ʼe natou mahino ki te Fakasiaina (ʼaē ko te Mandarin) (CHM), kae ko nātou mai Hong Kong ʼe natou mahino ki te Fakasiaina (ʼaē ko te Cantonais) (CHC).

◼ ʼI he Fono Gāue ʼi ʼAukusitō, ʼe fai ai anai ia he faifai palalau ki te foʼi ʼata Les Témoins de Jéhovah : organisés pour prêcher la bonne nouvelle. Kapau ʼe ʼaoga, ʼe tonu ke foimo fakaʼui te foʼi ʼata ʼaia ʼi te kōkelekāsio.