Fakamanatu ʼo Te Ako Fakateokalatike

Ko te ʼu fehuʼi ʼaenī ʼo te fakamanatu, ʼe vakaʼi anai ʼi te Ako Fakateokalatike lolotoga te vāhaʼa ʼaē ʼe kamata ʼi te ʼaho 29 ʼo ʼAukusitō 2011.

1. Koteā ʼaē ʼe ʼui ai ko te lotoʼofa ʼo te ʼAtua “ ʼe lelei age ia ʼi te maʼuli”? (Pes. 63:3) [w01 15/10 p. 15 pal. 17]

2. ʼI te Pesalemo kāpite 70, koteā ʼaē ʼe fakahā ai ʼo ʼuhiga mo Tavite? [w08 1/9 p. 11 pal. 4]

3. Koteā ʼaē ʼe fakatokaga mai ʼi te Pesalemo 75:5? [w06 1/8 p. 17 pal. 3]

4. Ko te temi fea ʼaē ʼe tou falala ai ʼe fakalogo mai ia Sehova ki tatatou ʼu faikole? (Pes. 79:9) [w06 1/8 p. 18 pal. 5]

5. Koteā te fakaʼuhiga ʼo te ʼu “meʼa ʼaē ʼe fufū” ʼe talanoa kiai ʼi te Pesalemo 90:7, 8? [w01 15/11 p. 12 pal. 14-16]

6. Ohagē ko tona fakahā ʼi te koga tohi ʼo Pesalemo 92:12-15, ko te pilivilēsio maʼuhiga fea ʼaē ʼe foaki ki te hahaʼi mātutuʼa ʼo te kōkelekāsio? [w04 15/5 pp. 13-14 pal. 14-18]

7. ʼI tana tohi ʼaē ʼo te ʼu palalau ʼi te Pesalemo 102:25-27, neʼe fakafeagai koa ia te tagata fai pesalemo ki te fakatuʼutuʼu ʼa te ʼAtua ʼaē neʼe ina fai talu mai fualoa ʼo ʼuhiga mo te kele? (Sen. 1:28) [w08-F 1/4 p. 12 pal. 2]

8. Koteā te ako ʼe tou lava tāʼofi ʼi te Pesalemo 106:7, ʼo ʼuhiga mo te mole maʼu ʼaē ʼo te fakasiosio tonu? [w95 1/9 p. 19 pal. 4–pal. 20 pal. 2]

9. ʼO mulimuli ki te manatu ʼaē iā Pesalemo 110:1, 4, koteā te fakapapau neʼe fai e Sehova ʼo ʼuhiga mo te Hako ʼaē neʼe fakapapauʼi mai, ia te Mēsia, pea ʼe feafeaʼi te haga ʼa te Hako ʼaia ʼo foaki he ʼu tapuakina ki te mālamanei kātoa? [ cl-F p. 194 pal. 13]

10. Neʼe malave feafeaʼi ki te tagata fai pesalemo ia tana metitāsioʼi te ʼu tapuakina ʼaē neʼe ina maʼu ʼi tana tauhi ʼaē ki te ʼAtua? (Pes. 116:12, 14) [w09-F 15/7 p. 29 pal. 4-5]