Fakamanatu ʼo Te Ako Fakateokalatike

Ko te ʼu fehuʼi ʼaenī ʼo te fakamanatu, ʼe vakaʼi anai ʼi te Ako Fakateokalatike lolotoga te vāhaʼa ʼaē ʼe kamata ʼi te ʼaho 26 ʼo Tesepeli 2011.

1. ʼE tokoni feafeaʼi mai iā Tāʼaga Lea 30:32 ke ʼaua naʼa tou fakaʼāsili te ʼita ʼo he tahi neʼe mamahi ʼuhi ko tātou? [w87-F 15/5 p. 30 pal. 11]

2. Ko te faʼahiga ‘fakafiafia’ fea ʼaē ʼe mole maʼu ai he lelei mo he fiafia ʼe tologa? (Ekl. 2:1) [g-F 4/06 p. 6 pal. 1-2]

3. Logolā neʼe ʼui e ʼihi ʼe lagolago te ʼu palalau ʼaē neʼe fai e Salomone ia Ekelesiasi 3:1-9 ki te tui ʼaē kua ʼosi tohi fakatomuʼa totatou maʼuli, kae ʼe fakamahino lelei feafeaʼi ia te ʼu palalau ʼaē neʼe ina tohi ia Ekelesiasi 9:11 ia te moʼoni ʼaē ko te ʼu ʼaluʼaga fuli ʼo te maʼuli neʼe mole heʼeki tohi fakatomuʼa ia? [w09 1/4 p. 4 pal. 4]

4. Koteā te tuʼutāmaki ʼe feala ke hoko kā “lahi osi tou maonioni [fia faitotonu fau]”? (Ekl. 7:16) [w10 1/10 p. 20 pal. 8-9]

5. Neʼe fakahā feafeaʼi iā Katiko o Te u Katiko 2:7 kiā nātou ʼaē ʼe fia ʼohoana, ʼe mole ko he aga fakapotopoto ʼi hanatou filifili fakavilivili honatou hoa? [w06 1/12 p. 15 pal. 1; w80-F 15/7 p. 19 pal. 7]

6. ʼE fakaʼuhiga feafeaʼi te ʼui ʼaē ‘ ʼe hali te meli mai te ʼu laugutu’ ʼo te Sulamite pea ‘ ʼe maʼu ʼi lalo ʼo tona ʼalelo te huʼa meli mo te huʼa pipi’? (Ktk. 4:11) [w06 1/12 p. 15 pal. 6]

7. Ko te ʼu higoa fakatuʼulaga ʼaē ko “Tokoni,” “Atua mafimafi,” pea mo “Tamai heegata” ʼe natou fakamahino feafeaʼi mai ia te ʼuhiga ʼo Sesu pea mo tana takitaki te mālama foʼou? (Esa. 9:5 [Esa. 9:6, MN]) [w91-F 15/4 p. 5 pal. 7]

8. Iā ʼaho nei, ko ai ʼaē ʼe feala ke fakaʼuhiga ki te “puleaga agakovi, [ʼapositā]” ʼo Iselaele, pea ko ai ʼaē kā ina fakaʼaogaʼi te “akau” ʼa Sehova moʼo fakaʼauha te puleʼaga ʼaia? (Esa. 10:5, 6) [ip-1-F p. 145 pal. 4-5; p. 153 pal. 20]

9. He koʼē ʼe fakaofoofo ia te fakakikite ʼa Esaia ʼo ʼuhiga mo Papiloni “e mole anai toe nofo i ai i he aho,” pea koteā te fakamoʼoni ʼe tou maʼu mai ia te fakahoko kātoa ʼo te lea fakapolofetā ʼaia iā ʼaho nei? (Esa. 13:19, 20) [g-F 11/07 p. 9 pal. 4-5]

10. Ko te temi fea ʼaē neʼe maʼu ai e Sesu ia “te kalavi o te fale o Tavite,” pea neʼe ina fakaʼaogaʼi feafeaʼi ia te kalavī ʼaia? (Esa. 22:22) [w09 1/1 p. 31 pal. 2]