Te ʼu Logo Maʼuhiga ʼo Totatou Minisitelio

ʼI Vanuatu, ʼe matou fiafia ʼi te fakahā atu te fakafuafua ʼo te tuputupu, ko te 8 % ʼi te taʼu gāue 2011. Neʼe maʼu te ʼu laka foʼou: ko te kau pioniē vaeluaʼi temi e toko 123, ko hola e 10 570, ko ni ʼu nusipepa e 11 268 ʼi te māhina ʼo ‘Āpelili pea mo te ʼu ʼaʼahi e 4 471 ʼi Sūnio. ʼI Niu-Kaletōnia, neʼe fakaʼosi te taʼu gāue 2011 ʼaki he tuputupu ʼo te kau fai fakamafola e 4 %. Pea neʼe tou maʼu te ʼu laka foʼou ʼi te māhina ʼo Sūlio: ko te kau fai fakamafola e toko 1 959 pea mo te kau pioniē kātoa e toko 150. Ko te tahi laka foʼou: ko te toko 866 pioniē vaeluaʼi temi ʼi ʼĀpelili.