Te ʼu Tonu
◼ Sūlio Mo ʼAukusitō: Fakaʼaogaʼi ia he kaupepa lahi e tahi. Fakahā age ia te tohi Te Ako Mai Te Tohi-Tapu peʼe, kapau ʼe lelei age ki te meʼa ʼaē ʼe ʼaoga ki te hahaʼi, fakahā age ia he kaupepa lahi Tou Fakalogo Ki Te ʼAtua Pea Ke Tou Māʼuʼuli ʼo Heʼegata, pea tou faiga ke tou kamata he ako Tohi-Tapu. ʼE Koutou Lava Kaumeʼa Mo Te ʼAtua! Te Kau Fakamoʼoni ʼa Sehova—Ko Ai Ia Nātou? Koteā ʼAē ʼe Natou Tui Kiai? Sepetepeli Mo ʼOketopeli: Ko Te Tule Leʼo pea mo te Réveillez-vous !. Kapau ʼe fai he ʼu ʼaʼahi, tou fakahā age ia te tohi Te Ako Mai Te Tohi-Tapu peʼe, kapau ʼe lelei age ki te meʼa ʼaē ʼe ʼaoga ki te hahaʼi, fakahā age ia te kaupepa lahi Tou Fakalogo Ki Te ʼAtua Pea Ke Tou Māʼuʼuli ʼo Heʼegata, pea tou faigaʼi ke tou kamata he ako Tohi-Tapu.
◼ Ko te pā 5, Chantons à Jéhovah — Version chantée, ʼe kā maʼu anai ʼi ʼAukusitō ʼi te Neti, ʼi te tuʼasila jw.org. ʼE ʼuluaki maʼu anai ʼi te Fakapilitānia, pea ki muli age ʼe maʼu leva ʼi he tahi atu ʼu lea kehekehe. ʼE feala ke fakaʼui te ʼu pā fakatagi ʼi takotou kōkelekāsio. ʼI te kua totogi lelei age ia te toʼo te ʼu pā fakatagi mai te Neti, ko natou ʼaē ʼe feala ke natou fakahoko te faʼahi ʼaia, ʼe fakalotomālohiʼi nātou ke natou fai. Kotou fakatokagaʼi kua maʼu nei ia te ʼu pā 1-4.
◼ Tokolahi te ʼu kaugana ʼa Sehova, iā ʼaho nei, ʼe natou fiafia lahi ʼi tanatou ʼolo mo ʼonatou fāmili ʼo mamata ki te Petele, te ʼu pilo gāue ʼa te kau Fakamoʼoni ʼa Sehova ʼaē ʼe tuʼu ovi ki ʼonatou kolo. ʼE feala koa ʼi takotou polokalama ke kotou fai ia te faʼahi ʼaia? Kapau koia, koʼenī te ʼu fakamanatu ʼe ʼaoga ke kotou vakaʼi:
ʼE ava ʼi te Mōnite ʼo aʼu ki te Feliaono, ʼi te ʼuhu hola 8 ki te 11, pea ʼi te hili hoʼatā hola 1 ki te hola 4.
Kotou telefoni fakatomuʼa ki te Petele, ia vāhaʼa e tahi iā muʼa ʼo takotou ʼolo kiai, moʼo fakahā ʼe kotou toko fia anai, pea mo te higoa ʼo takotou kōkelekāsio. (Nūmelo telefoni: 43 75 00).
ʼE fakamahino ʼi te tohi Organisés pour faire la volonté de Jéhovah ia te maʼuhiga ʼaē ke tou maʼa ʼi te faʼahi fakasino, ke hā te aga fakapoipoi ʼi tatatou faʼahiga teu, pea mo te lelei te helu ʼo totatou lauʼulu mokā tou ʼolo ʼo fai fakamafola pea mo kau ki te ʼu fono. Pea, ʼi te pāsina 138, ʼe tohi fēnei: “ ʼE toe ʼaoga ia te ʼu pelesepeto ʼaia mokā tou ʼaʼahi ia te Petele. Ke ʼaua naʼa galo kiā tātou ko te fakaʼuhiga ʼo te kupu Petele ʼe ko te ‘ ʼApi ʼo te ʼAtua.’ Koia, ʼe tou fakaʼamu ai ʼo ʼuhiga mo te faʼahiga gaohi ʼo te ʼulu, te faʼahiga teu pea mo te faʼahiga aga, ʼe tou muliʼi pē anai ia te ʼu lēkula ʼaē mokā tou kau ki te ʼu fono moʼo tauhi ʼi te Fale ʼo Te Puleʼaga.”
ʼE tali lelei anai koutou ʼi ai, pea ʼe kotou maʼu anai ia he ʼu tapuakina lahi ʼi te faʼahi fakalaumālie ʼi takotou ʼaʼahi ia te Petele.