ʼE Kotou Vakaʼi Tuʼumaʼu Koa Te Laupapa ʼo Te ʼu Logo?

ʼE tonu anai ke vakaʼi tuʼumaʼu e te kau tagata ʼafeā mo te kau faifekau fakaminisitelio pea mo ʼihi atu ʼe ʼi ai ʼanatou kiʼi gaue ʼi te kokelekasio. Kaʼe, ʼe feala anai ki te kokelekasio ke natou maʼu ai ni logo maʼuhiga. ʼE kotou iloʼi koa pe ʼe ko ʼafea ʼae ka kotou fakamaʼa ai te Fale Fono? Neʼe momoli mai koa e te taupau feʼaluʼaki peʼe ko te filiale ia he ʼu tohi maʼuhiga ki te kokelekasio? ʼE kotou iloʼi koa ia te kupu tafitō ʼo te akonaki ʼo te vahaʼa ʼaeni, ke feala hakotou fakaafe ia takotou ako? Neʼe ʼi ai koa he ʼu fetogi ʼi te polokalama ʼo te ʼu fono peʼe ʼi takotou kiʼi kutuga? ʼE lahi anai te ʼu logo ʼe mole toe tala anai ʼi te lolotoga ʼo te ʼu fono pea ʼe mole feala anai ki te kau tagata ʼafeā ke natou fakaha ia te ʼu logo ʼaia ki te kau faifakamafola fuli. Koia, ʼe lelei ke kotou vakaʼi tuʼumaʼu ia te laupapa ʼo te ʼu logo. Kapau ʼe tou maʼu logo tuʼumaʼu, pea ʼe fai anai ia meʼa fuli “i te fakaapaapa mo te fakatokatoka.”—1 Ko. 14:40.