Fakamanatu ʼo Te Ako Fakateokalatike

Ko te ʼu fehuʼi ʼaeni ʼo te fakamanatu, ʼe vakaʼi anai ʼi te Ako Fakateokalatike lolotoga te vahaʼa ʼae ʼe kamata ʼi te ʼaho 24 ʼo Sunio 2013. Ko te ʼaho ʼae neʼe fakatuʼutuʼu ke gaueʼi ai ia te ʼu puani takitahi ki te fakamanatu, ʼe kau anai ki te ʼu fekumi ʼae ʼe feala ke kotou fai moka teuteuʼi te ako ʼi te vahaʼa fuli.

1. Kotea te fakaʼuhiga ʼo te palalau ʼaeni ʼa Sesu ia Soane 3:14, 15: “O hage ko Moisese nee ina fakatuu leva te gata i te toafa, pea e feia pe mo te Foha o te tagata e tonu ke fakatuu ake ia ki oluga”? [6 Maio, my kap. 41 pal. 6-7]

2. Ko te temi fea ʼaē ka maʼu ai anai e te kau tisipulo ʼa Kilisito ia te maʼuli ia nātou totonu, peʼe nātou maʼu katoa te maʼuli? (Soa. 6:53) [13 Maio, w03 15/9 p. 31 pal. 3]

3. Kotou fakamahino pe neʼe fakaha feafeaʼi e Sesu ia te ʼu agaaga ʼo tana Tamai ki te hahaʼi agahala? (Soa. 8:28) [20 Maio, w11 1/5 p. 7 pal. 3]

4. Kotea te ako neʼe tuku mai e Sesu ʼi tana tagi ʼi te mate ʼo tona kaumeʼa ko Lasalo? (Soa. 11:35) [20 Maio, w08 1/6 p. 12 pal. 3-5]

5. Kotea te ako malohi neʼe tuku mai e Sesu ʼo ʼuhiga mo tana fufulu te ʼu vaʼe ʼo tana kau tisipulo? (Soa. 13:4, 5) [27 Maio, w99 1/3 p. 31 pal. 1]

6. ʼE lava takitaki lelei feafeaʼi tatou e te laumalie ʼo te ʼAtua? (Soa. 14:26) [27 Maio, w11 1/12 pp. 16-17 pal. 9]

7. Ia Soane 21:15, kotea te fakaʼuhiga ʼo te ʼu palalau ʼaeni “ ʼiā nātou ʼaenī” pea kotea te ako maʼa tatou? [3 Sunio, w08 1/4 p. 32 pal. 10]

8. ʼO mulimuli ki te ʼu vaega ʼo Gaue 2:44-47; 4:34, 35, kotea te faʼahiga manatu lelei ʼe tonu ke mulimuli ki ai ia te kau Kilisitiano? [10 Sunio, w08 1/5 p. 30 pal. 5]

9. Ia Gaue 7:59, neʼe ko Sesu koa ʼaē neʼe faikole ki ai ia Setefano? [17 Sunio, w08 1/5 p. 31 pal. 2]

10. ʼE feafeaʼi hatatou muliʼi ia te faʼifaʼitaki lelei ʼo Palenapa? Kotea te ʼu fua lelei ʼe tou maʼu moka tou fai te faʼahi ʼaia? (Gaue 9:26, 27) [24 Sunio, bt-F p. 65 pal. 19]