Kotou Fakaʼaogaʼi Tatatou Tuʼasila ʼi Te Neti Moʼo Akoʼi ʼAkotou Fanau
1. Kotea te fakatuʼutuʼu ʼo te kupu tafitō “Enfants” ʼi tatatou tuʼasila Fakafalani ʼi te Neti?
1 Neʼe fai tatatou tuʼasila ʼi te Neti ʼi hona faʼahiga aluʼaga ke tupu ai he fia olo ʼa te hahaʼi ʼo te ʼu taʼu kehekehe ʼo vakaʼi. Kotou olo ki tatatou tuʼasila jw.org/wls, ʼi te lea ʼo te pasina, ʼo kotou filifili te Fakafalani. Kapau ʼe kotou lomiʼi “La Bible et vous,” pea mo kotou filifili te kupu tafitō “Enfants” ʼe feala ke tokoni te faʼahi ʼaia ki te felogoi lelei ʼa te fanau mo ʼanatou matuʼā pea mo natou felogoi lelei mo Sehova. (Tet. 6:6, 7) ʼE kotou lava fakaʼaogaʼi feafeaʼi te faʼahi ʼaia moʼo akoʼi ʼakotou fanau?
2. ʼE kotou lava filifili feafeaʼi he alatike ʼe feala ke kotou ako mo ʼakotou fanau ʼo mulimuli ki tonatou taʼu?
2 Kotou Mulimuli Ki Tonatou Taʼu: ʼE kehekehe pe te ʼu meʼa ʼae ʼe ʼaoga ki te fanau takitokotahi. (1 Ko. 13:11) ʼE kotou lava filifili feafeaʼi he alatike ʼe feala ke kotou ako mo ʼakotou fanau ʼo mulimuli ki tonatou taʼu? Kotou fai te ʼu fehuʼi ʼaeni kia koutou: “Kotea ʼape ʼe fia palalau ki ai ʼaku fanau? Kotea te ʼu faʼahi ʼae ʼe feala ke natou mahino ki ai? Kotea te loaloaga ʼo te nofo tokaga ʼo ʼaku fanau ki te ako?” Kapau ʼe ʼi ai hakotou ʼu tamaliki ʼe taʼu tolu peʼe kei liliki age, ʼe feala ke kotou faipalalau ki te ʼu hisitolia ʼae ʼe maʼu ʼi te kupu tafitō “Comptines bibliques.” ʼE leleiʼia e te tahi age ʼu famili te ʼu hisitolia Fakatohi-Tapu ʼi te faʼahi “Enseignez vos enfants.” Peʼe kotou vakaʼi te tahi ʼu faʼahi ʼaeni ʼe feala ke kotou ako.
3. ʼE lava fakaʼaoga lelei feafeaʼi e te ʼu matuʼā te ʼu hisitolia mo te ʼu kiʼi gaoʼi ʼae ʼe maʼu ʼi te faʼahi “Pour le culte familial”?
3 He ʼu Faʼahi Ke Fakatafito Ki Ai Te Ako Fakafamili: ʼI te kupu tafitō “Pour le culte familial” ʼe feala ke maʼu he tokoni ki te ʼu pule famili ke natou ako mo ʼanatou fanau. Ke kotou iloʼi pe feafeaʼi te fakaʼaogaʼi ʼo te ʼu hisitolia pea mo te ʼu kiʼi gaoʼi, kotou lomiʼi “Télécharger” pea kotou lau te faʼahi “Guide des parents.” Kotou fakaʼaogaʼi te faʼahi “Une image, une activité” moʼo akoʼi ʼakotou tamaliki ʼae kei liliki. Kotou tokoni ki ʼakotou fanau ʼae ʼe lalahi age ke natou tali ki te ʼu fehuʼi ʼae ʼi te faʼahi “Apprends en tʼamusant.” Ko te ʼu kiʼi gaoʼi fuli ʼae ʼe maʼu ʼi he kupu tafitō, ʼe ʼi ai tona pikipikiga mo te hisitolia Fakatohi-tapu, ʼo feala ai ki te fanau fuli ke natou kau ki te ako fakafamili.
4. Kotea ʼae ʼe tou maʼu ʼi te kupu tafitō “Deviens lʼami de Jéhovah”?
4 Ke Liliu Ko He Kaumeʼa ʼa Sehova: ʼI te kupu tafitō “Deviens lʼami de Jéhovah” ʼi tatatou tuʼasila ʼi te Neti ʼe tou maʼu ai te ʼu ʼata (vidéos), mo te ʼu hiva (chansons) pea mo te ʼu kiʼi gaoʼi (activités), ʼe tokoni ai ki te ʼu matuʼā ke natou akoʼi te Folafola ʼa te ʼAtua ki ʼanatou kiʼi tamaliki. (Tet. 31:12) ʼE ʼi ai te ako maʼuhiga ʼe feala ke tou taʼofi mai te ʼu kiʼi ʼata takitahi pea mo te ʼu kiʼi gaoʼi. Pea mai tona aluʼaga ʼae ʼe leleiʼia e te ʼu tamaliki te hiva, pea ʼe tokoni te ʼu hiva ke taʼofi e te fanau te ʼu faʼahi neʼe natou ako, koia ʼe tau ʼai ai ki te Neti te ʼu katiko pea mo te ʼu hiva neʼe tohi tafitō maʼa te ʼu tamaliki.
5. He ko ʼe ʼe tonu ke kole e te ʼu matuʼā te tokoni ʼa Sehova moʼo akoʼi te moʼoni ki ʼanatou fanau?
5 ʼU matuʼā, ʼe loto e Sehova ke kotou lava fakahoko tokotou maʼua ʼi tokotou ʼuhiga tamai peʼe faʼe. Koia, kotou kole tana tokoni moʼo akoʼi te moʼoni ki ʼakotou fanau. (Tfm. 13:8) ʼAki te tokoni ʼa Sehova, ʼe feala ke kotou akoʼi ʼakotou fanau ke natou liliu ʼo popoto “o uhiga mo te haofaki aki te tui ae e mau ia Sesu-Kilisito.”—2 Tim. 3:15; Taag. 4:1-4.