Te ʼu Tonu

◼ Sunio: Koteā ʼAē ʼe Akoʼi Moʼoni Mai ʼi Te Tohi-Tapu? Peʼe ko he pepa lotu ʼi te ʼu pepa lotu ʼaeni: Kotea Takotou Manatu ʼo ʼUhiga Mo Te Tohi-Tapu?, Kotea Takotou Manatu ʼo ʼUhiga Mo Te Ka Haʼu?, Kotea ʼAe ʼe ʼAoga Ke Fiafia Ai He Maʼuli Fakafamili?, Ko Ai Te Pule ʼo Te Malamanei?, ʼE Gata Anai Koa Te Mamahi?, ʼE Feala Moʼoni Koa Ke Toe Maʼuli Ake He Mate?. Sulio Mo ʼAukusito: Te ʼu Logo Lelei Mai Te ʼAtua peʼe ko he kaupepa ʼi te ʼu kaupepa lalahi ʼaeni: Tou Fakalogo Ki Te ʼAtua Pea Ke Tou Māʼuʼuli ʼo Heʼegata. Sepetepeli: Ko Te Tule Leʼo pea mo te Réveillez-vous !

◼ ʼO kamata atu ʼi te ʼaho 3 ʼo ʼAukusito 2015, ʼe ako anai e te ʼu kokelekasio fuli ia te tohi Te Tagata ʼAē ʼe Lahi Tokotahi ʼo Te ʼu Temi Fuli ʼi te ako Tohi-Tapu ʼo te ʼu kokelekasio. ʼI te ʼosi fai ʼo te ʼu ʼuluaki palalau, ko te tehina ʼae ʼe ina takitaki ia te ako Tohi-Tapu ʼe feala anai ke ina fakalau katoa ia te ʼu kapite ʼae ʼe nounou pea ʼe ina fai anai te ʼu fehuʼi pea mo fakalau ia te ʼu vaega ʼae ʼe ʼaoga. Kapau ʼe lahi te kapite, ʼe feala anai ke ina filifili ke lau ia he palakalafe pe ʼe tahi peʼe laka atu, mo fai te fehuʼi ʼo te palakalafe pea mo fakalau ia te ʼu vaega Tohi-Tapu ʼae ʼe ʼaoga. ʼE ina fai hoholo anai ʼo kaku ki te ʼosi ʼo te kapite. Koia ʼe ʼaoga anai ki te tehina ke ina teuteuʼi fakalelei. ʼE ina fai anai he kiʼi fakamanatu moʼo fakaʼosi. ʼE tonu anai ki te tehina ke tokaga koteʼuhi ʼe ʼi ai ʼihi fakamahino foʼou ʼo ʼuhiga mo te ʼu lea fakatata ʼa Sesu.

◼ Ko te ʼu pepa lotu pea mo te ʼu pepa fakaafe fuli ʼae ʼe tufa ki te hahaʼi peʼe tuku ʼi te ʼu ʼapi ʼae ʼe lavaki, ʼe tonu anai ke kotou tohi ki te faʼahi ʼae ʼe tuʼu ai “Kaupepa” ʼi ʼakotou pepa tanaki gaue. Kapau ʼe fia logo he tahi pea mo tali he tohi maʼia pe ʼe ko he pepa lotu, kotou faiga ke kotou toe liliu ʼo ʼaʼahi ia ia.