TE MAʼULI FAKAKILISITIANO
Te Maʼuli ʼAe ʼe Lelei Age
ʼE lahi te ʼu gaue ʼe feala ke fai e te kau tupulaga ʼi te kautahi ʼa Sehova. Tou vakaʼi pe neʼe fakaʼaogaʼi fakapotopoto feafeaʼi e Cameron tona temi tupulaga. Koia, tou mamata ki te ʼata viteo Te Maʼuli ʼAe ʼe Lelei Age. Pea tou tali ki te ʼu fehuʼi ʼae ʼe hoa mai. (Vakaʼi ʼi te jw.org/wls, ʼi te kupu tafitō LA BIBLE ET VOUS > ADOLESCENTS.)
Kotea ʼae neʼe maʼuhiga tuʼumaʼu ʼi te maʼuli ʼa Cameron?
Neʼe ina fakatuʼutuʼu ʼi te temi fea ke ina fakalahi ai tana faifakamafola? Pea neʼe ina fakahoko feafeaʼi te faʼahi ʼaia?
Kotea te ʼu teuteu neʼe ina fai ke alu ʼo faifakamafola ʼi he telituale ʼe ʼaoga ki ai he kau faifakamafola?
Kotea te ʼu faigataʼaia neʼe tau mo Cameron ʼi tana faifakamafola ʼi he fenua matapule?
Kotea te ʼu lelei ʼe tou maʼu moka tou faifakamafola ʼi he fenua neʼe mole heʼeki tou faifakamafola ai ki muʼa atu?
Kotea te ʼu tapuakina neʼe maʼu e Cameron?
He koʼe ko te tauhi kia Sehova ʼe ko te maʼuli ʼae ʼe lelei age?
Kotea te tahi ʼu faigamalie ʼe maʼu e te kau tupulaga ʼi te kautahi ʼa Sehova?