Neʼe Tuʼutamakiʼia Te Maʼuli ʼo Esitele Maʼa Sehova Mo Tana Hahaʼi

Neʼe lototoʼa mo lotolelei ia Esitele ke tuʼutamakiʼia tona maʼuli maʼa Sehova mo tana hahaʼi

8:3-5, 9

• Neʼe mole feala ke hoko he tuʼutamaki kia Esitele mo Maletokeo. Kaʼe neʼe fakatotonu ʼi te lao ʼa Amane ke matematehi ia te kau Sutea fuli ʼo te puleʼaga katoa

• Neʼe tali e Esitele ke toe tuʼutamakiʼia tona maʼuli, neʼe alu ki te hau kaʼe neʼe mole fakaafe ia ia. Neʼe tagi ʼo ʼuhiga mo tana hahaʼi pea neʼe ina kole ki te hau ke holoʼi te fakatotonu ʼae ʼi te lao

• Ko te ʼu lao ʼae kua fakamoʼoni ʼi te higoa ʼo te hau neʼe mole feala ke holoʼi. Koia ʼae neʼe kole ai e te hau kia Esitele mo Maletokeo ke nā toe fai he lao foʼou

Neʼe foaki e Sehova ki tana hahaʼi ia he malo lahi

8:10-14, 17

• Ko te lua lao ʼae neʼe fai, neʼe ko te fakatotonu ki te kau Sutea ke natou haofaki ia natou totonu

• Neʼe fekauʼi te ʼu tagata ʼave logo ki te puleʼaga katoa pea neʼe nonofo teuteu te kau Sutea ki te tau

• Tokolahi te hahaʼi neʼe natou sisio ki te manavaʼofa ʼo te ʼAtua pea neʼe natou liliu ai ko te ʼu kaugana ʼa Sehova