Ka Kotou Maʼu Atu He Fanau ʼi Te Faifakamafola

Ka kotou maʼu atu he fanau ʼi he ʼapi, ʼe tonu ke kotou kole age ke alu ʼo kumi mai ʼana matuʼā. ʼE kotou fakaha ai takotou fakaʼapaʼapa ki tonatou ʼuhiga tamai mo faʼe. (Taa 6:20) Kapau ʼe kole atu e te fanau ke kotou ulu ki fale, ʼe tonu anai ke kotou fakafisi. Kapau ʼe puli ʼana matuʼā, ʼe tonu anai ke kotou toe liliu mai ʼi he tahi age temi.

Kapau kua lahi ia te fanau, lagi kua taʼu 14 tupu, ʼe toe ʼaoga pe ke kotou kole age ke kotou palalau ki ʼana matuʼā. Kapau ʼe puli ʼanā matuʼā, ʼe feala ke kotou kole age pe ʼe fakagafua ʼe ʼana matuʼā ke ina filifili te ʼu tohi ʼae ʼe ina fia lau. Kapau ʼe ʼio atu, ʼe feala anai ke kotou tuku age he ʼu tohi pea mo fakaha age ki ai tatatou tuʼasila ʼi te Neti jw.org.

Ka tou toe liliu ʼo ʼaʼahi he tupulaga neʼe fia logo, ʼe tonu ke tou kole age pe ʼe feala ke tou faipalalau mo ʼana matuʼā. ʼE ko te faigamalie ʼaia ke tou fakamahino age te tupuʼaga ʼo tatatou ʼaʼahi pea mo fakaha age ko te ʼu tokoni ʼae ʼe tou maʼu ʼi te Tohi-Tapu ʼo ʼuhiga mo te ʼu famili, ʼe ʼaoga pea mo tuha mo te falala. (Pes 119:86, 138) Kapau ʼe tou fakaʼapaʼapa ki te ʼu matuʼā, ʼe ko he fakamoʼoni lelei ʼaia ʼo ʼuhiga mo tatou pea ʼe ko he faigamalie ʼaia ke tou fakaha te logo lelei ki te famili.—1Pe 2:12.