Kotou Mulimuli Fakalelei Ia Sesu

Neʼe tuku mai e Sesu te faʼifaʼitaki ke tou mulimuli ki ai, tafito la moka tou tau mo he ʼu ʼahiʼahi peʼe ko te fakataga. (1Pe 2:21-23) Logo la tona tauveleʼi, kae neʼe mole lagavaka ia maʼia mo tona fakamamahiʼi. (Mko 15:29-32) Kotea neʼe tokoni ke ina ʼutakiʼi te ʼu aluʼaga ʼaia? Ko tona faiga ʼae ke ina fakahoko te finegalo ʼo Sehova. (Soa 6:38) Pea tahi, neʼe tokaga tafito ki “te fiafia ʼae neʼe tuku ki ʼona muʼa.”—Hep 12:2.

Kotea anai ka tou fai moka ʼe gaohi koviʼi tatou ʼuhi ko tatatou tui? ʼE mole ‘liufaki anai e he fakamoʼoni ʼa Sehova te kovi ʼaki te kovi.’ (Lom 12:14, 17) ʼI tatatou faʼifaʼitakiʼi te ʼutakiʼi e Sesu te ʼu mamahi, ʼe tou fiafia anai he ʼe tou maʼu te ʼofa ʼo te ʼAtua.—Mat 5:10-12; 1Pe 4:12-14.

VAKAʼI TE ʼATA VITEO ʼE MAʼUHIGA ʼAUPITO AGE IA TE HUAFA ʼO SEHOVA PEA MO TALI KI TE ʼU FEHUʼI ʼAENI:

• Neʼe fakaʼaogaʼi fakapotopoto feafeaʼi ʼe te tuagaʼane Pötzingera tona temi ʼi tona pilisoniʼi tokotahi?

• Kotea te ʼu mamahi neʼe ʼutakiʼi ʼe te taumatuʼa Pötzinger ʼi te ʼu loto’a fakamamahi?

• Kotea neʼe tokoni kia naua ke nā maʼu ai te faʼa kataki?