ʼAki Te ʼOfa ʼe Iloʼi Ai Te Kau Kilisitiano Moʼoni—Tou Fakafiafia ʼi Te Moʼoni

HE KOʼE ʼE MAʼUHIGA: ʼI tatatou faʼifaʼitakiʼi ia Sesu, ʼe tonu ke tou fakamoʼoni ʼo ʼuhiga mo te moʼoni ʼo te ʼu fakatuʼutuʼu ʼa te ʼAtua. (Soa 18:37) ʼE toe tonu foki ke tou fakafiafia ʼi te moʼoni mo tala te moʼoni pea mo haga vakavakaʼi te ʼu meʼa ʼae ʼe moʼoni, logo la ʼe tou maʼuʼuli ʼi he malama ʼe fonu ʼi te kaka pea mo te heʼe faitotonu.—1Ko 13:6; Flp 4:8.

TE ʼU MEʼA ʼAE ʼE TONU KE KE FAI:

• ʼAua naʼa ke fagonogono peʼe folahi he ʼu logo ʼe fakatupu maveuveu.—1Te 4:11

• ʼAua naʼa ke fakafiafia ki te ʼu malaʼia ʼae hoko ki ʼihi

• Ke ke fiafia ʼi he ʼu aluʼaga ʼe fakatupu fiafia mo fakalotomalohi

VAKAʼI TE ʼATA VITEO “KOUTOU MAʼU TE FEʼOFAʼAKI IA KOUTOU” —ʼAUA NAʼA TOU FAKAFIAFIA ʼI TE HALA KAE ʼI TE MOʼONI PEA MO TALI KI TE ʼU FEHUʼI ʼAENI:

• Neʼe ha feafeaʼi ia Viki neʼe ‘fakafiafia ʼi te hala’?

• Neʼe fetogi feafeaʼi e Lose tana faipalalau mo Viki ke liliu ʼo lelei?

• Kotea te ʼu aluʼaga ʼe lelei ʼe feala ke tou faipalalau ki ai?