Vahaʼa ʼo Te ʼAho 14-20 ʼo Sanualio

GAUE 23-24

“Neʼe Tukugakoviʼi Ia Paulo Ko He Tagata ʼe Fakatupu Maveuveu Mo Ina Lagaʼi He ʼu Agatuʼu”: (10 min.)
- Gau 23:12, 16—Neʼe mole hoko te fakatuʼutuʼu ʼae ke matehi ia Paulo (bt-F 191 ¶5-6)
- Gau 24:2, 5, 6—Neʼe tukugakoviʼi e Teletulio te tagata poto palalau ia Paulo ki te kovana Loma (bt-F 192 ¶10)
- Gau 24:10-21—ʼAki he aga fakaʼapaʼapa, neʼe fakafisi ia Paulo ki te ʼu loi ʼae neʼe fai kia ia pea neʼe faifakamafola ʼaki he lototoʼa (bt-F 193-194 ¶13-14)
Kumi Te ʼu Koloa ʼi Te Tohi-Tapu: (8 min.)
- Gau 23:6—He koʼe neʼe ui e Paulo ko ia ʼe ko he Faliseo? (“Ko au ko he Faliseo” tokoni ki te ako ʼo Gau ʼo 23:6, nwtsty)
- Gau 24:24, 27—Neʼe ko ai ia Tulusila? (“Tulusila” tokoni ki te ako ʼo Gau ʼo 24:24, nwtsty)
- ʼI takotou lau ia te Tohi-Tapu ʼi te vahaʼa ʼaeni, kotea neʼe koutou ako ʼo ʼuhiga mo Sehova?
- ʼI takotou lau ia te Tohi-Tapu ʼi te vahaʼa ʼaeni, kotea te tahi ʼu koloa fakalaumalie neʼe koutou maʼu?
Lau ʼo Te Tohi-Tapu: (4 min. peʼe siʼi ifo) Gau 23:1-15 (th ako 5)

ʼUluaki Faipalalau ʼAta Viteo: (4 min.) Fakahaʼele pea mo faipalalau ki ai.
ʼUluaki Faipalalau: (2 min. peʼe siʼi ifo) Fakaʼaogaʼi te faipalalau. (th ako 1)
ʼUluaki Faipalalau: (3 min. peʼe siʼi ifo) Fakaʼaogaʼi te faipalalau. Pea tali ki he palalau ʼe fai mahani mai ʼi te telituale. (th ako 2)
ʼUluaki Faipalalau: (3 min. peʼe siʼi ifo) Fakaʼaogaʼi te faipalalau. Pea tali ki he palalau ʼe fai mahani mai ʼi te telituale. (th ako 3)

Katiko 77
Tanaki Gaue ʼo Te Taʼu: (15 min.) Akonaki ʼe fai e he tagata ʼafeā. Hili te lau ifo ʼo te tohi mai te pilo ʼo te filiale ʼo ʼuhiga mo te tanaki gaue ʼo te taʼu, fakafehuʼi he ʼu tehina peʼe ko he ʼu tuagaʼane, neʼe filifili fakatomuʼa, ke natou fakamatala he ʼu aluʼaga fakalotomalohi neʼe hoko ʼi te minisitelio lolotoga te taʼu kua ʼosi.
Ako Tohi-Tapu ʼo Te Kokelekasio: (30 min.) jy kapite 50
Fai He Fakamanatu Mo Fakaha Te Polokalama ʼo Te Vahaʼa Ka Hoa Mai (3 min.)
Katiko 128 Pea Mo Te Faikole