Kotou Liʼaki Ia Te ʼUluagaaga ʼAfeā Kae Kotou Kofuʼi ʼAe ʼe Foʼou

3:5-14

’I takotou iloʼi ia te moʼoni, neʼe kotou fai koa ni toe fetogi ʼi takotou ʼuluagaaga? ʼAua naʼa galo kia kotou neʼe fiafia ʼaupito ia Sehova ʼi takotou faiga. (Esk 33:11) Kae, ʼe tonu ke tou faiga tuʼumaʼu ke mole tou toe liliu ki totatou ʼuluagaaga ʼafeā kae ke tou haga maʼuliʼi te ʼuluagaaga foʼou. Tali ki te ʼu fehuʼi ʼaeni ke kotou iloʼi ai te ʼu faʼahi ʼae ʼe feala ai hakotou hikihiki:

• ʼE kei au nofo ita pe koa ki he tahi neʼe ina fai mai he meʼa neʼe au mamahi ai?

• ʼE au faʼa kataki koa tatau aipe pe ʼe kua au gaʼegaʼe peʼe au fakavilivili?

• ʼE au foimo tekeʼi koa he ʼu manatu heʼe maʼa ʼe hake ia au?

• ʼE au valokiʼi koa ʼihi hahaʼi ʼe lanu kehe peʼe fenua kehe?

• Neʼe au fai koa he ʼu palalau neʼe mole lelei ki he tahi neʼe au ita ki ai kae heʼeki faʼa fualoa?