ʼE Loto e Sehova Ke Tou Maʼa

Tokolahi te ʼu matuʼā ʼe natou akoʼi ʼanatou fanau ke natou agamaʼa ʼi te faʼahi fakasino, ʼo natou ui fenei age: “Fufulu ʼou nima. Fakamaʼa tou koga fale. Hiko te ʼapi. ʼAve te pupele ki tuʼa.” (Ek 30:18-20; Te 23:14; 2Ko 7:1) Kapau ʼe tou maʼa ʼi te faʼahi fakasino mo ʼatatou meʼa fuli ʼe tou fakakololiaʼi ai ia Sehova. (1Pe 1:14-16) Kae ʼe feafeaʼi la totatou ʼapi mo ʼona tafaʼaki? ʼE faiga te kau Kilisitiano ke maʼa tuʼumaʼu te kele, kae mole hage ko te hahaʼi ʼae ʼe natou hoko laku te ʼotaʼota. (Pes 115:16; Fkh 11:18) Maʼia mo te ʼu meʼa liliki, ohage ko te ʼu kiʼi pepa lole, te ʼu gaʼasi tini pea mo te ʼu puluʼi kamu, ʼe tou tokakaga ʼo laku ki te pupele he ʼe tou fakamaʼuhigaʼi te maʼa. ʼI te ʼu faʼahi fuli ’o totatou maʼuli, ʼe tou ‘fakaha ai ko tatou ko te ʼu hahaʼi faifekau ʼa te ʼAtua.’—2Ko 6:3, 4.

VAKAʼI TE ʼATA VITEO ʼE LOTO E TE ʼATUA KE TOU MAʼA, PEA MO TALI KI TE ʼU FEHUʼI ʼAENI:

• Kotea te ʼu takuʼaki ʼa ʼihi ki tanatou mole taupau ke maʼa ʼanatou meʼa?

• ʼI te Lao ʼa Moisese neʼe fakaha feafeaʼi e Sehova ia tana manatu ʼo ʼuhiga mo te fakamaʼa?

• ʼE feafeaʼi hatatou fakakololiaʼi ia Sehova kae mole ʼaki he ʼu palalau?