TE MAʼULI FAKAKILISITIANO
Tou Faʼifaʼitakiʼi Ia Sosefo ʼo Tou Hola Mai Te ʼu Felaveʼi Fakasino Heʼe ʼAoga
Kapau ʼe fakahalaʼi tatou ke tou fai he ʼu felaveʼi fakasino heʼe ʼaoga, tou faʼifaʼitakiʼi ia Sosefo. ʼI te ʼu temi fuli pe ʼae neʼe loto ai e te ʼohoana ʼo tona pule ke nā momoe, neʼe tekeʼi malohi pe e Sosefo. (Sen 39:7-10) Neʼe ina tali fenei age kia ia: “E feafeai anai ke au fai he mea kovi feia kia ia, pea ke au toe agahala ai ki te Atua?” ʼI tana tali ʼaia, neʼe ina fakaha ai neʼe kua ina fakakaukauʼi pe te manatu ʼa Sehova ʼo ʼuhiga mo te nofo agatonu ʼa he taumatuʼa. Neʼe tokoni te faʼahi ʼaia kia ia ʼi tona fakahalaʼi ʼae ke ina fai he ʼu felaveʼi fakasino heʼe ʼaoga. ʼI tana hola ʼaia, neʼe mole ina tuku ki te fafine ke ina fakavaivaiʼi tana fia fai te meʼa ʼae ʼe totonu.—Sen 39:12; 1Ko 6:18.
VAKAʼI TE ʼATA VITEO HOLA MAI TE ʼU AGA HEʼE ʼAOGA, PEA MO TALI KI TE ʼU FEHUʼI ʼAENI:
Kotea te aluʼaga ʼae neʼe tau mo Jin?
ʼI te kole tokoni age ʼa Mee-Kyong kia Jin ki tana ʼu meʼa ako, kotea te fehuʼi ʼae neʼe fai e Jin neʼe ha ai tana fakasiosio poto?
Neʼe malave feafeaʼi kia Jin te kole tokoni age ʼa Mee-Kyong?
Neʼe feafeaʼi leva te kumi tokoni ʼa Jin?
Kotea neʼe fai e Jin ke hola mai te ʼu felaveʼi fakasino heʼe ʼaoga?
Kotea te ʼu ako ʼe kotou toʼo mai te kiʼi ʼata viteo ʼaeni?