Ko Te Fakamoʼoni ʼo Te Tapuakina ʼa Sehova

8:6-9, 12; 9:1-5, 23, 24

Neʼe fakato ifo e Sehova he afi ʼo tutu ai te ʼuluaki holokoseta ʼae neʼe momoli hili te fakanofo pelepitelo ʼo Alone mo ʼona foha. ʼAki tana faʼahiga fai ʼaia, neʼe fakaha ai e te ʼAtua ʼe ina tali te fakanofo ʼaia, pea mo lagolago ki ai. Neʼe ina toe fakalotomalohiʼi ai te hahaʼi, ʼae neʼe fakatahitahi ki te fakanofo ʼaia, ke natou lagolago mo natou ki ai ʼaki tonatou loto katoa. Ia ʼaho nei, ʼe fakaʼaogaʼi e Sehova ia Sesu Kilisito ʼae kua fakakololia, ʼi tona ʼuhiga Pelepitelo Lahi maʼoluga. (He 9:11, 12) ʼI te taʼu 1919, neʼe filifili e Sesu he ʼu tehina fakanofo ke natou faʼufaʼu “te tagata faifekau agatonu mo poto.” (Mat 24:45) Kotea ʼae ʼe fakamoʼoni ai ʼe tapuakina, mo lagolago pea mo tali e Sehova te tagata faifekau agatonu ʼaia?

• Logo la te fakataga, kae ʼe foaki tuʼumaʼu mai pe e te tagata faifekau agatonu te meʼa kai fakalaumalie

• Ohage ko tona fakakikite e te lea fakapolofeta, ʼe fakamafola te logo lelei “ ʼi te kele katoa.”—Mat 24:14

ʼE feafeaʼi hatatou lagolago ki te tagata faifekau agatonu mo poto ʼaki totatou loto katoa?