Filifili Fakalelei ʼOu Kaumeʼa

Ko te aluʼaga ʼae neʼe hoko ki te kau Iselaele ʼi te toafa ʼo Moape ʼe ko he fakatokaga ki te kau Kilisitiano. (1Ko 10:6, 8, 11) Neʼe fakatahi te kau Iselaele mo he ʼu fafine Moape ʼe tauhi taula ʼatua pea mo fai ni aga heʼe ʼaoga. Pea neʼe natou fai ai he ʼu agahala mamafa. Neʼe fua kovi ai kia natou. (Nu 25:9) Ia ʼaho nei, ʼe tou to lotoa ʼi he hahaʼi ʼe mole natou atolasio kia Sehova. Ohage la ko ʼotatou kaugā gaue, mo kaugā ako, mo vahaʼa fale, mo famili pea mo ʼihi atu feilo. Kotea te ako ʼe tou taʼofi mai te fakamatala Fakatohi-tapu ʼaia ʼo ʼuhiga mo te ʼu tuʼutamaki ʼe feala ke hoko moka tou fakatahi tuʼumaʼu mo natou ʼaia?

VAKAʼI TE ʼATA VITEO HE ʼU FAʼIFAʼITAKI MOʼOTATOU FAKATOKAGA—KOGAʼI ʼATA, PEA MO TALI KI TE ʼU FEHUʼI ʼAENI:

• 

  Kotea te faʼahiga manatu ʼe mole lelei neʼe maʼu e Simeli mo ʼihi ʼo ʼuhiga mo Samine?

• 

  Neʼe tokoni feafeaʼi ia Finesi kia Samine ke ina maʼu he faʼahiga manatu ʼe lelei?

• Kotea te kehekehe ʼo te fakaha ʼo he aga fakakaumeʼa mo he tahi ʼe mole tauhi kia Sehova pea mo takita liliu ko hona kaumeʼa?

• He koʼe tonu ke tou tokaga moka tou filifili ʼotatou kaumeʼa, maʼia ʼi te kokelekasio?

• He koʼe ʼe mole tonu ke tou faipalalau ʼi te fakatahiʼaga ʼo te neti mo ni hahaʼi ʼe mole tou iloʼi?