Fakamalohiʼi Tau Tui Kia Sehova Mo Sesu ʼAki Te Tohi “Ke Ke Fiafia ʼo Heʼe Gata”

Kapau ʼe fia fakafiafiaʼi e te kau ako ia te ʼAtua, ʼe tonu ke tou maʼu he tui ʼe malohi. (Hep 11:6) ʼE feala ke tou fakaʼaogaʼi ia te tohi Ke Ke Fiafia ʼo Heʼe Gata ke malave te moʼoni ki ʼonatou loto. ʼE maʼu ʼi te tohi ʼaeni ia te ʼu manatu maʼuhiga, ʼe mahino gafua, mo he ʼu fehuʼi, mo he ʼata pea mo he ʼu pāki matalelei. Tou tokoni ki ʼatatou kau ako ke natou maʼu ia te ʼu kalitate pea ke natou felogoi lelei mo te ʼAtua. Ka tou fai feia, ʼe natou malolohi anai ʼi te moʼoni.​—1Ko 3:12-15.

ʼE ʼi ai ʼihi ʼe natou manatu ʼe mole feala ke natou kaumeʼa mo te ʼAtua, he ʼe mole natou sisio ki ai. Koia ʼe tonu ai ke tou tokoni kia natou ke natou tui ki te manavaʼofa ʼo Sehova.

SIOʼI TE ʼATA FAKAMALOHIʼI TAU TUI KIA SEHOVA ʼAKI TE TOHI “KE KE FIAFIA ʼO HEʼE GATA” PEA MO TALI KI TE ʼU FEHUʼI:

• ʼE ha feafeaʼi neʼe teuteuʼi lelei e te tuagaʼane ia te ako?

• Kotea te tahi ʼu fehuʼi neʼe ina fai ke tokagaʼi e ia ʼae ʼe ako ia Esaia 41:10, 13?

• Kotea ʼae neʼe logoʼi e ia ʼae ʼe ako ʼi tana sioʼi te ʼata pea mo lau ia te ʼu vaega Tohi-Tapu?

Tokolahi ʼe mole natou iloʼi pe kotea ia te totogi, pea kia natou ʼe mole ko he meʼa ʼofa ʼa te ʼAtua maʼa natou. (Kal 2:20) Koia ʼe tonu ai ke tou tokoni kia natou ke natou tui ki te sakilifisio faitotogi ʼo Sesu.

SIOʼI TE ʼATA FAKAMALOHIʼI TAU TUI KIA SESU ʼAKI TE TOHI “KE KE FIAFIA ʼO HEʼE GATA” PEA MO TALI KI TE ʼU FEHUʼI:

• ʼE ha feafeaʼi neʼe teuteuʼi lelei e te tehina ia te ako?

• Neʼe ina fakaʼaogaʼi feafeaʼi ia “Te Tahi ʼu Manatu” moʼo tokoni kia ia ʼae ʼe ako?

• He koʼe ʼe mauhiga ke tou faikole maʼa ia ʼae ʼe ako?