TE MAʼULI FAKAKILISITIANO
Fakamalohiʼi Tau Tui Ki Te Folafola ʼa Te ʼAtua
ʼE feala ke fetogi e te Tohi-Tapu ʼotatou maʼuli. (Hep 4:12) Kae ʼe mole feala ke tou kumi tana tokoni mo tana takitaki mo kapau ʼe mole tou tui papau ʼe ko “te folafola ʼa te ʼAtua.” (1Te 2:13) ʼE feafeaʼi hau fakamalohiʼi tau tui ki te Tohi-Tapu?
Lau he koga Fakatohi-tapu ʼi te ʼaho fuli. Ka ke lau te Tohi-Tapu, kumi he ʼu fakamoʼoni ko te Tohi-Tapu ʼe haʼu mai ia Sehova. Ohage la, fakakaukauʼi te ʼu tokoni ʼae ʼe maʼu ʼi te tohi ʼo Taʼaga Lea pea mo ke tokagaʼi tona ʼaoga ki totatou maʼuli.—Taa 13:20; 14:30.
Fai hau ʼu fekumi. Kumi he ʼu fakamoʼoni ʼe ha ai ko te Tohi-Tapu ʼe haʼu mai te ʼAtua. Vakaʼi ʼi te Kumiʼaga Tohi maʼa te kau Fakamoʼoni ʼa Sehova, ʼi te kupu “Tohi-Tapu.” Vakaʼi mo te appendice A3 ʼi te Tohi-Tapu Fakafalani, ʼe ke tokagaʼi ai neʼe heʼeki fetogi te logo ʼae ʼi te Tohi-Tapu.
SIOʼI TE ʼATA HE KOʼE ʼE MATOU TUI TE FOLAFOLA ʼA TE ʼATUA, PEA MO TALI KI TE ʼU FEHUʼI ʼAENI:
Neʼe fakamoʼoni feafeaʼi te pāki ʼae ʼi te kaupa ʼo te fale lotu ʼo Karnak, ki te moʼoni ʼo te Tohi-Tapu?
ʼE tou iloʼi feafeaʼi neʼe heʼeki fetogi te logo ʼae ʼi te Tohi-Tapu?
He koʼe ʼe tou tui papau ko te Tohi-Tapu ʼe ko te Folafola ʼa te ʼAtua?—Lau ia Esaia 40:8