17-23 MALESIO
TAʼAGA LEA 5
Katiko 122 Pea Mo Te Faikole | Fakaha Te Polokalama (1 min.)
1. Kotou Fakamamaʼo Mai Te ʼu Aga Heʼe ʼAoga
(10 min.)
ʼE feala pe ke tou fia fai te ʼu aga heʼe ʼaoga (Taa 5:3; w00 15/7 29 ¶1)
ʼE taki kita e te ʼu aga heʼe ʼaoga ki te mamahi (Taa 5:4, 5; w00 15/7 29 ¶2)
Kotou fakamamaʼo mai te ʼu aga heʼe ʼaoga (Taa 5:8; w00 15/7 29 ¶5)
Ko he tuagaʼane ʼe mole ina fia foaki tona numelo telefoni ki he tama
2. Koloa Fakalaumalie
(10 min.)
Taa 5:9—ʼE kita ʼulihi feafeaʼi tokita “matagafua” moka kita fai te ʼu aga heʼe ʼaoga? (w00 15/7 29 ¶7)
ʼI te lau te Tohi-Tapu ʼo te vahaʼa ʼaeni, kotea te ʼu koloa fakalaumalie neʼe ke maʼu?
3. Lau ʼo Te Tohi-Tapu
(4 min.) Taa 5:1-23 (th ako 5)
4. Kamata He Faipalalau
(3 min.) FAILAUPAPA. Fakaafe he tahi ʼe mole ko he Kilisitiano ki te ʼAho Fakamanatu, pea kumi ʼi te jw.org he koga meʼa ʼe ovi kio ia. (lmd ako 6 manatu 4)
5. ʼAʼahi
(4 min.) FAIFAKAMAFOLA ʼI TE ʼU ʼAPI. ʼI tona ʼaʼahi talu mai ai, neʼe ina tali tona fakaafe ki te ʼAho Fakamanatu pea neʼe fia logo. (lmd ako 9 manatu 5)
6. Fai Ni Tisipulo
(5 min.) lff kapite 16 manatu tafito, fehuʼi fakamanatu, pea mo taku fakatuʼutuʼu. Ka fehuʼi atu e tau ako pe neʼe ʼohoana ia Sesu, fakaha age pe ʼe feafeaʼi hana maʼu te tali. (lmd ako 11 manatu 4)
Katiko 121
7. Kolua Tokakaga Ke Kolua Nonofo Maʼa ʼi Tokolua Temi Fakatahi
(15 min.) Faipalalau.
Ko te fakatahi ʼe fakaʼuhiga ʼi te agamahani ki “te temi ʼae ʼe fakatahi ai he tagata mo he fafine pea ʼe nā fefakahaʼaki ai tonā ʼofa.” ʼE feala ke nā fakatahi ʼi te kaugamalie peʼe nā fakamamaʼo mai ai ke nā ʼateaina. ʼE fakalogo pe kia naua pe nā fakaha tanā fakatahi peʼe kailoa. Pea ko te fakatahi ʼe toe kau ai tanā faipalalau peʼe fefaitohiʼaki ʼi te telefoni. Ko te fakatahi ʼe mole ko he temi pe ʼe tou fakafiafia ai, kae ʼe ko he koga maʼuhiga ia ʼi muʼa ʼo te fai ʼo te ʼohoana. Pe ʼe matutuʼa peʼe tupulaga ia natou ʼae ʼe fakatahi, kae kotea ʼae ka tokoni kia natou ke mole natou fai ni aga heʼe ʼaoga?—Taa 22:3.
Fakahaʼele te ʼATA VITEO Teuteu Ki Te ʼOhoana: Kua Au Tokalelei Koa Ke Au Fakatahi Mo He Tahi?—ʼUluaki Koga) (Kogaʼi ʼAta). Fehuʼi ki te nofoʼaki:
He koʼe ʼe mole tonu ke kamata fakatahi he tahi mo kapau heʼeki fia ʼohoana ia? (Taa 13:12; Luk 14:28-30)
Kotea ʼae neʼe kotou leleiʼia ʼi te faʼahiga tokoni ʼa te ʼu matuʼā ki tanā taʼahine?
Lau ia Taʼaga Lea 28:26. Fehuʼi ki te nofoʼaki:
ʼE fakatuʼutuʼu fakatomuʼa feafeaʼi e he foʼi toko lua ke mole nā to ʼateaina pe ʼi he faʼahi?
He koʼe ʼe fakapotopoto he foʼi toko lua moka nā faipalalau fakatomuʼa ki te ʼu tuʼakoi ʼo te fefakahaʼaki ʼo tonā ʼofa, ohage la ko te fetapikiʼaki peʼe ko te faiʼuma?
Lau ia Efeso 5:3, 4. Fehuʼi ki te nofoʼaki:
Kotea ʼae ʼe tonu ke tokakaga ki ai he foʼi toko lua moka nā faipalalau ʼi te telefoni peʼe ko te neti?
8. Ako Tohi-Tapu ʼo Te Kokelekasio
(30 min.) bt kap. 24 ¶1-6