Te ʼu Kupu Tafito

Ko fakapapau ʼe fia neʼe kua kotou fai kia Sehova? ʼE kotou faiga fakamalotoloto koa ke kotou fakahoko ʼakotou fakapapau? Kaʼe ʼe feafeaʼi ki takotou fakapapau ʼae ke kotou foaki tokotou maʼuli kia Sehova peʼe ko te fakapapau ʼi takotou ʼohoana? ʼE tou vakaʼi anai ʼi te alatike ʼaeni, te ʼu faʼifaʼitaki lelei ʼo Sefete pea mo Ana, ʼae neʼe nā fakahoko ʼanā fakapapau. ʼE feala ke tokoni mai ke tou fakahoko ʼatatou fakapapau ki te ʼAtua.

ʼE tou manatu tuʼumaʼu ki te ʼu tapuakina ʼae ka foaki mai anai e Sehova ʼi te Palatiso. ʼE tou vakaʼi anai ʼi te alatike ʼaeni, te ʼu fihifihia ʼe fa, ʼe pulihi anai e Sehova, ke feala ke tou maʼuʼuli ʼi he malama ʼe tokalelei pea mo fiafia. ʼE tokoni mai anai te ako ʼaia ke malohi age tatatou tui pea ke tou faʼa kataki.

Ka tou felaveʼi mo he aluʼaga ʼe mole faitotonu, ʼe feala ke ʼahiʼahiʼi ai tatatou tui mo tatatou agavaivai. ʼE tou vakaʼi anai ʼi te ʼu alatike ʼaia, he ʼu fakamatala ʼe tokoni mai anai ke tou maʼu te manatu ʼa Sehova ʼo ʼuhiga mo te faitotonu.

Logo la ʼe mole ʼaoga he meʼa kia Sehova, kaʼe ʼe fiafia moka ina tokagaʼi ʼe tou faiga malohi ke tou lagolago ki tana pule faʼitaliha. ʼE tou ako anai ʼi te ʼu kapite 4 mo te 5 ʼo te tohi ʼo Tui Fakamaau, ʼe fiafia ia Sehova moka ʼe tou gaue maʼa te ia ʼaki te lotolelei pea mo tou mulimuli ki tana takitaki.