Watchtower TANAKIʼAGA TOHI ʼI TE NETI
Watchtower
TANAKIʼAGA TOHI ʼI TE NETI
Faka'uvea
  • TOHI-TAPU
  • TOHI
  • FONO
  • g19 N° 2 p. 8-9
  • Te Faʼa Kataki

Aucune vidéo n'est disponible pour cette sélection.

Il y a eu un problème lors du chargement de la vidéo.

  • Te Faʼa Kataki
  • Kotou ʼAʼala!—2019
  • Manatu Tafito
  • He Tahi ʼu Alatike
  • TONA FAKAʼUHIGA
  • TONA MAʼUHIGA
  • TE AKOʼI ʼO TE FAʼA KATAKI
  • Koutou Akoʼi Takotou Fānau ʼi Tonatou Kei Liliki
    Te Fakatuʼu Ke Maʼu ʼo He Maʼuli Faka Famili Fīmālie
  • Koutou Akoʼi Takotou Fānau ʼi Tanatou Kei Liliki
    Te Kalavi ʼo Te Manuʼia Faka Famili
  • ʼU Matuʼā, Kotou Fakamalohiʼi Te Tui ʼo ʼAkotou Fanau
    Ko Te Tule Leʼo ʼe Ina Kalagaʼi Te PuleʼAga ʼo Sehova (Ako) (2024)
Kotou ʼAʼala!—2019
g19 N° 2 p. 8-9
Ko he faʼe ʼe tokoni ki tana kiʼi taʼahine neʼe lotomamahi he neʼe mole lelei tona taʼo keke

AKO 3

Ke Faʼa Kataki

TONA FAKAʼUHIGA

Ko he tahi ʼe faʼa kataki, ʼe mole vaivai gafua moka hoko ki ai he ʼu faigataʼa. ʼE tou maʼu te kalitate ʼaia moka ʼe tou utakiʼi te ʼu fihifihia ʼe tou tau mo ia. Ohage pe ko he kiʼi toe ʼe akoako haʼele ʼi tana tau toka. ʼO toe feia pe moka lahi ake, aki te ʼu fihifihia ʼae ʼe tau mo ia ʼe ina akoʼi ai pe ʼe feafeaʼi tana taki ki muʼa tona maʼuli.

TONA MAʼUHIGA

ʼE lotovaivai te ʼu fanau mo kapau neʼe mole iku lelei hanatou fakatuʼutuʼu, peʼe moka ʼe natou tau mo he ʼu fihifihia, peʼe valokiʼi e ʼihi te ʼu meʼa ʼe natou fai. Ko ʼihi ia kua natou fiu ki ʼonatou fakatuʼutuʼu. Kae, ʼe tonu ke natou mahino ki te ʼu moʼoni ʼaeni:

  • ʼE feala ke tou faihala ʼi ʼihi lakaga.—Sakopo 3:2.

  • ʼE tou tau fuli mo ni faigataʼaʼia.—Ekelesiasi 9:11.

  • ʼE tou hikihiki anai moka ʼe ui mai e he tahi ʼe mole lelei te meʼa ʼae neʼe tou fai.—Taaga Lea 9:9.

Ka ʼutakiʼi e te ʼu fanau ʼonatou fihifihia ʼe natou ako ai pe ʼe feafeaʼi hanatou fakatokatoka te ʼu fihifihia ʼo te maʼuli.

TE AKOʼI ʼO TE FAʼA KATAKI

Moka ʼe to hala ʼana fakatuʼutuʼu.

PELESEPETO FAKATOHI-TAPU: “E higa tua fitu te tagata agatonu, pea e toe tuu ake ia ki oluga.”—Taaga Lea 24:16.

Tokoni ki takotou fanau ke ina fakafuafua lelei pe ʼe ko te aluʼaga ʼae neʼe hoko ʼe maʼuhiga peʼe kailoa? Ohage la, mo kapau neʼe mole maʼu tona sivi ʼi te fale ako, ʼe lagi lotovaivai anai ʼo ina ui fenei: “ ʼE mole au fai au he meʼa ʼe lelei.”

Ke mole lotovaivai ai te fanau, tokoni age ki ai ke ina fakakaukauʼi hana fakatuʼutuʼu ke mole toe hoko te fihifihia ʼaia. ʼI tana fai feia, ʼe faiga anai ke kumi puleʼaki ki te fihifihia, kae ʼe mole ina toe tukugakoviʼi anai ia ia totonu.

ʼAua naʼa kotou fakatokatoka tona fihifihia. Kae, kotou tokoni age ke ina kumi tokotahi pe he puleʼaki ki ai. Ohage la neʼe mole ina maʼu tana sivi, ʼe feala ke kotou fai age te fehuʼi ʼaeni :“Kotea la tau manatu ki te mole maʼu ʼo tau pepa?”

Moka hoko he ʼu faigataʼaʼia.

PELESEPETO FAKATOHI-TAPU: “ ʼE mole kotou iloʼi pe ʼe feafeaʼi anai tokotou maʼuli apogipogi.”—Sakopo 4:14.

ʼE ʼi ai te ʼu aluʼaga ʼe hoko fakapunamaʼuli ʼi totatou maʼuli. ʼE tou maʼu falā ʼi te ʼaho nei, kae ʼi te apogipogi leva kua puli fuli ʼatatou koloa. ʼE lelei totatou malolo fakasino ʼi te temi nei, kae apogipogi leva kua tou mahahaki. ʼE ui fenei ’i te Tohi-Tapu: “E mole gata pe ki te u akuila e lele gaholo, pea e mole gata pe ki te kau toa e malo i te tau [. . . ] Koteuhi e fakalogo te u mea fuli ki te temi pea mo tona u maliuliu.”—Ekelesiasi 9:11.

ʼI takotou ʼuhiga matuʼā, ʼe kotou faiga malohi ke kotou puipui ʼakotou fanau mai he ʼu tuʼutamaki. Kae ʼi tona fakahagatonu, ʼe mole feala anai hakotou puipui natou mai te ʼu fihifihia fuli ʼo te maʼuli.

ʼE moʼoni, ʼe lagi kei veliveli fau takotou kiʼi tamasiʼi ke tau mo ni aluʼaga faigataʼa, ohage la ko te mole kei gaue peʼe ko te ʼu fihifihia fakapaʼaga. Kae ʼe feala hakotou tokoni age ke ina ʼutakiʼi ʼihi ʼatu aluʼaga, ohage la ko te fihi mo hona kaumeʼa peʼe ko he mate ʼo he tahi ʼo te famili.a

Moka ʼe tonu ke ina fai ni fetogi.

PELESEPETO FAKATOHI-TAPU: “Fakalogo ki te u tokoni . . . ke ke poto i te hoko atu o tou mauli.”—Taaga Lea 19:20.

Ka fai tokoni he tahi ki takotou fanau, ʼe mole ko he meʼa moʼo fakamatakuʼi pea mo fakatupu mamahi. Kailoa ia, kae ko he tokoni ki takotou fanau ke fetogi tana faʼahiga aga he neʼe mole lelei.

Moka ʼe kotou akoʼi ki takotou tamasiʼi ke ina tali he fakatonutonu neʼe fai age, ʼe fua lelei anai kia koutou fuli. ʼE ui fenei te tamai ʼe higoa ko John: “Kapau pe anai ko te ʼu matuʼā ʼae ka natou fakatokatoka pe te ʼu lakahala ʼa te tamasiʼi kae mole ko ia totonu, ʼe toe lahi anai te ʼu faigataʼaʼia ʼae ka tau mo ia. Pea ko te ʼu matuʼā tuʼumaʼu pe ʼae ka natou fakatokatoka ʼona fihifihia fuli. Ko he maʼuli fakatupu mamahi foki ki te ʼu matuʼā pea mo te tamasiʼi.”

ʼE feafeaʼi anai hakotou tokoni ke fua lelei ki takotou tamasiʼi ia te tokoni ʼaoga neʼe fai age ʼi te fale ako peʼe ʼi ʼihi atu lakaga? ʼAua naʼa kotou ui age ʼe mole ʼaoga ke ina fai ni fetogi kae kotou ui age:

  • “He koʼe neʼe fakatonutonuʼi koe?”

  • “ ʼE feafeaʼi anai hau hikihiki ke lelei tau aga?”

  • “Kotea anai ka ke fai moka toe hoko te aluʼaga ʼaeni kia koe?”

ʼAua naʼa galo kia koutou, ko he tokoni ʼaoga ʼe fai ki takotou tamasiʼi, ʼe ʼaoga anai ki ai ʼi te temi nei pea mo te temi ʼae kua lahi ai.

a Vakaʼi te alatike “Aidez votre enfant à surmonter son chagrin” ʼo Te Tule Leʼo ʼo te ʼaho 1 ʼo Sulio 2008 ʼi te Fakafalani.

Ko he faʼe ʼe tokoni ki tana kiʼi taʼahine neʼe lotomamahi he neʼe mole lelei tona taʼo keke

KOTOU FOIMO AKOʼI

Ko he tamasiʼi neʼe ina taʼofi ni ako mai ʼona lakahala peʼe mai te ʼu lakaga neʼe mole ina lava fakahoko, ʼe ina maʼu anai te faʼa kataki moka ʼe ina ako he gaue pea ʼe liliu anai ʼo faiva ʼi tona fai

Tuku Age He Faʼifaʼitaki ʼe Lelei

  • ʼE au fakaha koa moka neʼe au faihala, peʼe ʼe au tukugakoviʼi koa ʼihi?

  • ʼE au palalau koa ʼo ʼuhiga mo ʼaku toto pea mo te ʼu ako ʼae neʼe au taʼofi mai ai?

  • ʼE au vaʼi koa ni ʼihi ʼuhi he neʼe natou lakahala?

Manatu ʼa ʼIhi Matuʼā . . .

“Neʼe mole ma puipui ʼama tamaliki mai te ʼu faigataʼaʼia mo te ʼu toto peʼe ko te ʼu lakahala fuli. ʼI taku kei tupulaga, neʼe au ʼutakiʼi te ʼu faigataʼaʼia pea neʼe tokoni mai ke au liliu ko he tahi ʼe lelei. ʼE au tokagaʼi ko ʼama fanau ʼe lua ʼe nā aga poto, koteʼuhi neʼe mole ma fakapelepeleʼi fau ia naua.”—Jeff.

“Moka neʼe ma fai mo taku ʼohoana he lakahala ʼo ʼuhiga mo ʼama tamaliki tagata ʼe lua; ʼe ma faifakalelei age. ʼE tonu ki te ʼu matuʼā ke natou vaevae mo ʼanatou fanau te ʼu lakahala ʼae neʼe natou fai pea mo te ʼu faʼahi ʼae neʼe mole natou fakahoko ʼi muʼa atu, ke natou iloʼi ai ʼe ko he meʼa ʼe hoko kia tatou fuli.”—James.

    Te ʼu Tohi Fakaʼuvea (1978-2025)
    Mavae
    Hu Ki Loto
    • Faka'uvea
    • Vaevae
    • Préférences
    • Copyright © 2025 Watch Tower Bible and Tract Society of Pennsylvania
    • Conditions d’utilisation
    • Règles de confidentialité
    • Paramètres de confidentialité
    • JW.ORG
    • Hu Ki Loto
    Vaevae