Kapite 15
Faahiga mea e tonu ke fai ke kita liliu kohe tagata faka logo ote puleaga ote Atua
1, 2. Kotea ia ae e faka maua kite u hahai faka logo foou ote puleaga ote Atua?
EKE FIA mauli o heegata ite kele ae ka takitaki ete puleaga ote Atua? Ei, kohe tali anai ia ahe tahi e faka kaukau. E mahino ia kote mau ote u lelei ae ka foaki anai ete puleaga aia, e mole feauga akipe hata loto kiai; eiai te u faahiga mea e tonu ke kita mulimuli kiai.
2 O hagela, ko hau fia liliu kohe tagata ohe tahi fenua.E maua foki anai keke fai kite u mea e faka totonu ete puleaga ote fenua aia. Uluaki mea, eke alu mua anai o faka lavelave te u faahiga mea e tonu ke fai. E toe feia foki, e tonu keke ako keke iloi te u mea ae e loto ete Atua ke fai e natou ae ka liliu anai kohe u hahai faka logo o tona puleaga pea keke fai te u mea aia.
KOTE MALAMA E AOGA IA
3. Kotea te tahi mea e faka maua kite u hahai fakalogo foou ote puleaga ote Atua?
3 Koeni te faka maua e mauhiga tafito ke kita liliu ai kohe tagata faka logo ote puleaga ote Atua, e kote ako ote “lea” ate puleaga aia. Pea e tonu ia. Koteuhi, ko ihi puleaga faka tagata e natou faka maua, foki mo natou, ki anatou u hahai foou ke natou poto ite palalau kite lea ate fenua. Kote “lea” feafeai koa ae e tonu ke ako ke feala ai ha kita mauli ite puleaga ote Atua?
4. Kote “lea maa” feafeai ae e tonu ke ako ete hahai ate Atua?
4 Faka tokagai lelei te ui aeni a Sehova o uhiga mote potu aia: “Koteuhi eau foaki anai kite u hahai—e kohe fetogi—kohe lea maa, ke natou paui ai fuli kite huafa o Sehova, ke natou tauhi faka tahi kia teia.” (Sofonia 3:9). Kote “lea maa” aia e kote mooni ate Atua ae e fakaha ite Tohi-Tapu, tafito foki te mooni kite Puleaga. Koia, kohe liliu moo tagata faka logo ote puleaga ote Atua, e tonu ke kita ako te “lea” aia i hata mau te malama o uhiga mo Sehova pea mote mea fulipe e faka uhiga ki tona Puleaga.—Kolose 1:9, 10; Taagalea 2:1-5.
5. a) Kotea te mea ae e tonu ke tou iloi o uhiga mote puleaga ote Atua? b) Kote malama feafeai ae e tonu ke tou mau moo mau ote mauli heegata?
5 Eiai te u puleaga faka tagata e natou faka maua ki anatou u hahai foou ke natou iloi tona hisitolia pea mote agaaga o tona haele. E toe feia foki kia natou ae e amanaki kohe u hahai faka logo foou ote puleaga ote Atua. Kote malama aia e feala keina taki kite mauli heegata. I tana faikole ki tana Tamai, nee ui fenei e Sesu: “Kote faka uhiga aeni ote mauli heegata: ko tanatou ako te iloi o koe, ia koe, te Atua mooni tokotahi, pea mo ia ae nee ke fekaui mai, ia Sesu Kilisito.”—Soane 17:3.
6. a) Kote u fehui fea ae e tonu ke lava tali kiai te u hahai faka logo foou ote puleaga ote Atua? b) Eke lava tali anai mo koe kiai?
6 Kote ako ote u kapite kua osi atu nee lagi ke mau ai he malama mauhiga. Vakai pe kua ke feafeai ite potu aia o ahiahi tali kite u fehui aeni: Ko anafea ae nee fakaha ai ete Atua tona loto keina fakatuu he puleaga? Koai la ni ihi age ite kau kaugana ate Atua nee natou nofo ite falala ke natou liliu anai ihe aho kohe u hahai faka logo ite kele ote puleaga aia? Ko pule e toko fia e natou faufau te puleaga aia? E natou pule anai mai fea? Koai ia natou ae nee uluaki fili mua ke natou kau ite puleaga aia? Nee fakaha feafeai mai e Sesu koia e kohe hau agalelei anai? Kae ko hata liliu kohe tagata fakalogo ote puleaga ote Atua, e mole feauga akipe te iloi o tona u agaaga.
KOTE AGA AE E TOTONU E FAKA MAUA IA
7. O uhiga mote u puleaga faka tagata, e kehekehe feafeai tanatou u lao?
7 Kote u puleaga e natou faka maua ki anatou u hahai foou ke natou mulimuli ki ni ihi faahiga lekula o uhiga mote u aga. O hagela, ko ihi e natou faka maua te ohoana mohe tokotahi; ko ihi, ae e kehe age anatou u lao, e natou faka gafua te ohoana mohe tokolahi. Kote aga feafeai ia ae e faka maua ke fai e natou ae e amanaki kohe u hahai faka logo foou anai ote puleaga ote Atua? Kotea te tonu ia ate Atua kite ohoana?
8. a) Kotea te faifaitaki aga ia ae nee fakatuu ete Atua o uhiga mote ohoana? b) Kotea te feauaki, pea kotea te tonu ia ate Atua kite potu aia?
8 Ite kamata, nee faka tuu e Sehova he faifaitaki aga: kohe fafine pe e tahi maa Atama. Pea ui fenei ete Atua: “E mavae anai te tagata mai tana tamai pea mo tana fae, pea e maua ia ke pipiki ki tona ohoana, pea e tonu ia kena liliu kohe kakano pe e tahi.” (Senesi 2:21-24). Ki muli age, nee toe faka mooni aipe e Sesu e kote faifaitaki aga pe aia e tonu ke mulimuli kiai te kau kilisitiano (Mateo 19:4-6). Ite kua liliu ate taumatua kohe kakano pe e tahi, e mole anai ko hana faka apaapa kite nofo ohoana mo kapau ena toe felavei mohe tahi kehe age. Kote aga aia kote feauaki e ui ete Atua eina tautea anai.—Hepeleo 13:4; Malaki 3:5.
9. a) Kotea te tonu ia ate Atua o uhiga mo natou ae e felavei faka sino i tua ote nofo ohoana? b) Kotea te folonikasio?
9 Kote nonofo faka pouli pea mote u felavei faka sino i tua ote nofo ohoana e hoko tuumau ia. Kae kote Atua nee mole ina faka tuu te nofo ohoana ke ahiahii mua. Koia, kote nonofo ka mole heeki ohoana e kohe agahala ia kite Atua, ae nee ina faka tuu te ohoana. E kohe folonikasio ia, aia e faka uhiga fenei: kote felavei faka sino ahe tokolua e heeki ohoana. E ui fenei ete Tohi-Tapu o uhiga mote potu aia: “Kote mea ia ae e loto kiai te Atua, (. . .) ke aua naa koutou fai te folonikasio.” (I Tesalonika 4:3-5). Koia, e mole lelei kihe tahi e kei eva ke momoe mohe tahi.
10. Kotea te tahi u aga e faka feagai ia kite u lao ate Atua?
10 Ia aho nei, kua asili tokolahi te tagata e momoepe mohe tahi tagata, te fafine pea mohe tahi fafine. E faka higoa natou ia kote u homosexuels pee lesbiennes, mo kapau kohe u fafine. Kote Folafola ate Atua eina tapui te u tai aga aia, eina lau ia e “heeaoga”. (Loma 1:26, 27.) Kote lao ate Atua eina toe tapui foki te felavei faka sino mote u manu (Levitike 18:23). Ko ae ia e fia mauli ite pule ote puleaga ote Atua e tonu ia ke faka fisi kite u tai aga aia e mole lelei.
11. a) Kotea te tonu ia ate Atua o uhiga mote faka aoga ote u kava? b) Ko natou ae e fia liliu kohe u hahai faka logo ote puleaga ote Atua e tonu ke natou faka ateaina mai te fai ote u faahiga mea feafeai ae e kovi kite sino?
11 Kote faka aoga faka potopoto ote vino, te piele pea mote kava e mole faka feagai ia kite lao ate Atua. Kohe kii moi vino siisii pe e feala ia ke lelei kite mauli (Pesalemo 104:15; I Timoteo 5:23). Kae kohe holoi ia ote lao faka atua ia te konahia pea mote kau ihe u fakatahi pouli aia e fai ai te u mea ae e kovi (Efese 5:18; I Petelo 4:3, 4). Ko ihi, e fai ite kava pee natou sulukai te marijuana pee kote pata, pee natou mama te bétel pee kote u lau ote koka. Kae, kote fai ote u mea aia eina ulihi te sino pea e kovi kite mauli. Kote tagata fakalogo foou ote puleaga ote Atua e tonu ke fakamamao mai te fai ote u mea aia e kovi kia ia.—II Kolonito 7:1.
12. a) Kotea te tahi u faahiga aga kovi e tapui ete lao faka atua? b) E feafeai kihe tahi eina fai te u aga aia he fealagia ke lelei ia ete Atua?
12 Kote u puleaga faka tagata e mole natou tali te hahai fakapo ke natou liliu ko hanatou u hahai fakalogo. Koia, ko Sehova eina loto ke tou ‘aga faka hagatonu ite mea fulipe’. (Hepeleo 13:18.) Kote tagata fulipe ae eina holoi tana lao e mole feala ia ke mauli ite pule o tona Puleaga. Tokolahi e natou ui e natou faka hagatonu, kae lahi te u lao e natou maumaui. Kote Atua e sio ia kite mea fulipe; e mole feala ia ke kakai ehe tahi (Hepeleo 4:13; Taagalea 15:3; Kalate 6:7, 8). Eina tapui foki anai kia natou ae e mole fai ki ana lao, o hagela kote u lao ae e natou tapui te loi pea mote kaihaa, ke aua naa natou liliu kohe u hahai fakalogo o tona Puleaga (Efese 4:25, 28; Fakaha 21:8). Kae, i tona uhiga ae kote Atua e faa kataki pea mo faka molemole gafua, eina tali anai ia ia ae eina liaki tana u aga ae e kovi kae ina fai te mea ae e lelei.—Isaia 55:7.
13. Kotea te faahiga faka siosio ate kau fai fekau ate Atua kite u lao ate u puleaga faka tagata?
13 Kae feafeai ia te mulimuli kite u lao ae e fakatuu ete u puleaga faka tagata? E loto ete Atua ke tou fakalogo kite u “pule maoluga” aia o kaku aipe kihe temi e pulihi ai. E tonu foki ke totogi te tukuhau, tatau aipe pee mamafa pee mole kita tonu ia te mea ae e faka aoga kiai. Kote fakalogo kite u lao faka tagata e toe maua foki ke fai (Loma 13:1, 7; Tito 3:1), gatape mokapau e faka feagai kite u lao ate Atua. Ite potu leva aia, o hage ko tona ui e Petelo mote tahi u apositolo, ‘e tonu ke matou fakalogo kite Atua, o hage kohe faka logo kihe pule, ihe fakalogo ia kite tagata’.—Gaue 5:29.
14. Efeafeai anai hatatou fakaha e tou tonu tahi mote Atua o uhiga mote mauli?
14 Kote mauli e kohe mea tapu ia kite Atua. Kote tagata fakalogo foou o tona puleaga e maua ia keina iloi papau te mea aia. Kote fakapo e tapui ia ete lao faka atua. Kote loto fehia eina taki tuumau ia kite fakapo, pea e ko ae e haga fehia ki tona kaiga e mole feala ia ke liliu kohe tagata fakalogo ote puleaga ote Atua (I Soane 3:15). Koia e mauhiga tafito foki te mulimuli kite mea ae e tuu ia Isaia 2:4, ae kote mole too he u mahafu moo fakapogi tota kaiga. Kite Atua, maaia mote mauli ote kii tamasii ae kei kamata tupu ite fatu o tana fae e kohe mea mauhiga aupito ia (Ekesote 21:22, 23; Pesalemo 127:3). Logopela te mea aia, e laui miliona te fakato fatu e fai ite tau fuli. Kohe maumaui feia ohe mauli e faka feagai ia kite lao faka atua, koteuhi kote tamasii ite fatu o tana fae e kohe tahi ia e mauli e mole tonu ia ke maumaui.
15. Kotea te u faka totonu ate Hau ate Atua ae e maua ke fakalogo kiai te u hahai faka logo fuli ote Puleaga?
15 E mole gata akipe kite u hahai fakalogo foou ote puleaga ote Atua te ateaina mai te fai ote kovi. E tonu foki ke natou aga lelei kite hahai fulipe aki te loto katoa o mole amanaki ke taui aki he mea. E tonu ke natou fai kite lekula aulo ae nee talanoa kiai ia Sesu Kilisito, ae e fenei: “Kote mea fulipe e koutou loto ke fai ete hahai kia koutou, e maua, mo koutou, ke koutou toe fai foki kia natou.” (Mateo 7:12). Ko Kilisito nee ofa ki tona kaiga o au aipe ki tana momoli tona mauli uhi koia; nee ina faka totonu fenei ki ana tisipulo: “Ke koutou feofaofani aki ia koutou, (. . .) o hage ko taku ofa ae kia koutou.” (Soane 13:34; I Soane 3:16). E kote ofa la aia aki te loto katoa ki tota kaiga aia ka ina faka liliu anai te mauli o lelei aupito ite pule ote Puleaga ote Atua.—Sake 2:8.
16, 17. a) Kotea te u lelei mauhiga ae e tonu ke tou fai ai he u fetogi aoga i totatou mauli ke tou mulimuli ai kite u faka totonu ate Atua? b) He koe e tou iloi papau kote u fetogi aoga aia e feala tona fai?
16 E faka tokaga mai ete Tohi-Tapu ia te aoga ae kite hahai fakalogo foou ote puleaga ote Atua te faka alutahi o tonatou mauli kite u faka totonu faka atua (Efese 4:20-24). Eke fai e koe te faahi aia? Logope te u faahiga kinakina e tonu ke katakii, e aoga aupito ia. Kotea tona tupuaga? Koteuhi e mole kohe mauli fimalie pe lolotoga he u kii tau sii ihe puleaga faka tagata, kae kohe mauli ia o heegata mo haohaoa ihe kele faka eteni ka pulei ia ete Atua.
17 Kohe mulimuli kite u faka totonu faka atua e mau ai te fimalie nei. Kae e lagi tonu foki keke fetogi. Nee feia foki ki ihi hahai, ite temi ae nee loto fehia pea mo manumanu, fai folonikasio, momoe ahe tagata mohe tahi tagata pee fafine mohe tahi fafine, konahia, fakapo, kaihaa, toloke pee suluka. Kua natou fili he faahiga mauli foou aki tanatou faa kataki mooni pea aki te tokoni ate Atua (I Kolonito 6:9-11; Kolose 3:5-9). Koia, kapau e tonu keke fetogi ite kinakina ke lelei ia koe ete Atua, aua naa ke fiu pea e lava ai anai tau kataki!
KOTE NOFO AGATONU KITE PULEAGA OTE ATUA
18. Kote tokoni agatonu feafeai ki tona Puleaga ae e loto ete Atua ke tou fai?
18 Ke loto ia Sehova ke nofo agatonu tana hahai fakalogo ki tona Puleaga e mole kohe mea faka punamauli ia. Kote atu puleaga e natou toe faka totonu feia mo natou ki anatou hahai. Kae kote Atua eina loto kihe tokoni faka agatonu kehe age. E kotea? E kohe too koa ohe u mahafu pea mo tau moo haofaki o tona Puleaga? Kailoa, e kohe liliu ia o hage ko Sesu Kilisito mo tana kau apositolo kohe u tagata ave-palalau pee kohe u tagata faka mafola ote Puleaga ote Atua. (Mateo 4:17; 10:5-7; 24:14). E loto e Sehova ke iloi takitahi ete hahai tona Puleaga pea mote faahiga mea ka ina fai moo faka tokatoka ote u faigataa faka tagata. Nee kua ke palalau koa kite mea ae kua ke iloi ite Folafola ate Atua ki au matua, ki ou kaumea pea mo tou vae fale? E kote finegalo ia aia ote Atua.—Loma 10:10; I Petelo 3:15.
19. a) He koe e tou amanaki kihe faka feagai ite faka mafola ote Puleaga ote Atua? b) Kotea te u fehui ae e tonu ke tou tali kiai?
19 Nee maua ia ke loto toa ia Kilisito pea mo ana tisipulo moo faka mafola te Puleaga logope he faka feagai malohi (Gaue 5:41, 42). Kote malamanei aeni e fakalogo kite Tevolo e toe faka feagai, mo ia, kite faka mafola ote Puleaga. Kote u fehui leva aeni e tonu ke fai: Eke kau ki fea? Eke tokoni faka agatonu anai kite Puleaga ote Atua? Ko Sehova eina loto kihe faka mooni lahi kite Puleaga ke fai ia mua ote hoko mai ote faka osi. Eke kau anai i tona fai?
[Paki ʼo te pasina 128]
Kihe liliu kohe tagata fakalogo ote puleaga ote Atua e maua ke iloi ia ia
[Paki ʼo te pasina 131]
Kote u hahai fakalogo ote puleaga ote Atua e tonu ke natou faka mamao mai te u mea fulipe e koviia ete Atua
[Paki ʼo te pasina 133]
Kote u hahai fakalogo ote puleaga ote Atua e maua ke natou faka ilo ia ia