Koteā ʼAē ʼe Natou Tui Kiai?
ʼE TUI ia te kau Fakamoʼoni ʼa Sehova ki te ʼAtua Māfimāfi, ia Sehova, te Tupuʼaga ʼo te lagi mo te kele. Ko te ʼu fakatuʼutuʼu fakaofoofo ʼaē ʼe tou sisio kiai ʼi te ʼatulaulau, ʼe fakahā ai ko te Tupuʼaga ʼo te ʼu meʼa fuli ʼaia, ʼe poto pea mo mālohi ʼaupitō. Ohagē ko te hā ʼo te ʼu kalitātē ʼo te tagata pea mo te fafine ʼi tanā ʼu gāue, ʼe toe fēia mo te ʼu gāue ʼaē neʼe fai e Sehova ʼAtua. ʼE ʼui fēnei mai ʼi te Tohi-Tapu ko “tona ʼu kalitātē fakapulipuli ʼe ʼiloga lelei ia talu mai te fakatupu ʼo te mālamanei, koteʼuhi ʼe mahino kiai te ʼatamai ʼaki te ʼu meʼa ʼaē kua faʼu.” Pea “ ʼe kalagaʼi e te lagi te kolōlia ʼo te ʼAtua,” logolā ʼe mole honatou leʼo pea ʼe mole natou palalau.—Loma 1:20; Pesalemo 19:1-4.
Kā faʼu e te tagata ia he ʼu ʼipu peʼe ko he ʼu foʼi televisio peʼe ko he ʼu foʼi olotinatea, ʼe ʼi ai tona tupuʼaga. Ko te kele, mo te ʼu fuʼu ʼakau pea mo te ʼu manu ʼe mata faigataʼa age ia. ʼE tou punamaʼuli ʼi te faʼufaʼu ʼo te sino ʼo te tagata ʼaki tona ʼu lauʼi miliale selule, māʼiapē lā mo te ʼuto ʼaē ʼe feala ai ke tou fakakaukauʼi, ʼe ko he meʼa faigataʼa pea mo fakaofoofo! Kapau neʼe faʼu e te tagata ia he ʼu meʼa ʼe veliveli age ke ʼi ai honatou ʼaoga, ʼe mahino ia ko Sehova ʼAtua neʼe ʼi ai tana fakatuʼutuʼu ʼi tana fakatupu ia te ʼu meʼa matalelei! ʼE fakamoʼoni ia te Tāʼaga Lea 16:4 ki te faʼahi ʼaia: “Neʼe fai e Sehova ia meʼa fuli moʼo fakahoko ia tana fakatuʼutuʼu.”
Neʼe fakatupu e Sehova ia te kele he neʼe ʼi ai tana fakatuʼutuʼu, ohagē ko tana ʼui fēnei ki te ʼuluaki taumātuʼa: “Kolua fānaunau, pea kolua liliu ʼo hahaʼi, pea kolua fakafonu te kele, . . . kolua pule ki te ʼu ika ʼo te tai, pea mo te ʼu manulele ʼo te lagi pea mo te ʼu meʼa maʼuli fuli pē ʼaē ʼe maʼuli ʼi te kele.” (Senesi 1:28) ʼUhi ko tanā talagataʼa, neʼe mole nā fakafonu ai ia te kele ʼaki he ʼu fāmili faitotonu ʼaē neʼe feala ke tōkakaga fakalelei ki te kele pea mo te ʼu fuʼu ʼakau pea mo te ʼu manu. Kae neʼe mole fetogi ai e Sehova ia tana fakatuʼutuʼu. ʼI te hili ʼo te ʼu taʼu e lauʼi afe ki muli age, neʼe tohi fēnei e te polofetā: “Ko te ʼAtua, Ia ia ʼaē neʼe ina faʼu te kele . . . , neʼe mole ina fakatupu noa.” Neʼe ina “faʼu ke nofoʼi.” ʼE mole fakaʼauha anai, kae “ko te kele ʼe tuʼu maʼu ʼo talu ai.” (Isaia 45:18; Tagata Tānaki 1:4, Bible dʼOsty) ʼE fakahoko anai ia te fakatuʼutuʼu ʼa Sehova ʼo ʼuhiga mo te kele: “ ʼE tuʼu anai taku tokoni, pea ko meʼa fuli ʼe au fiafia ai, ʼe au fai anai.”—Isaia 46:10.
Koia ʼe tui ia te kau Fakamoʼoni ʼa Sehova ko te kele ʼe tuʼu maʼu anai ʼo talu ai pea ʼe māʼuʼuli ai anai ʼo heʼegata ia te hahaʼi fuli pē, nātou ʼaē ʼe māʼuʼuli pea mo nātou ʼaē kua mamate, ʼaē kā mulimuli anai ki te fakatuʼutuʼu ʼa Sehova ʼo ʼuhiga mo te kele (he kele ʼe nofoʼi e te hahaʼi pea mo matalelei). Ko te mālamanei kātoa ʼe agahala ʼuhi ko Atama pea mo Eva. (Loma 5:12) ʼE ʼui fēnei mai ʼi te Tohi-Tapu: “Ko te totogi ʼaē ʼe foaki e te agahala, ko te mate.” “Ko te kau māʼuʼuli ʼe natou ʼiloʼi ʼe natou mamate anai; kae ko te kau mate, ʼe mole kei natou ʼiloʼi he meʼa.” “Ko te nefesi ʼaē ʼe agahala—ko ia ia ʼaē kā mate.” (Loma 6:23; Tagata Tānaki 9:5; Esekiele 18:4, 20) ʼE lava feafeaʼi ki te kau mamate ia hanatou toe māʼuʼuli ake ke natou maʼu ai ia te ʼu lelei ʼi te kele? ʼAki pē te sākilifisio faitotogi ʼa Kilisito Sesu, he neʼe ina ʼui fēnei: “Ko au ko te fakatuʼuake pea mo te maʼuli. Ko ʼaē ʼe tui kiā te au, tatau aipē peʼe mate, ʼe haʼu anai ia ki te maʼuli.” “Ko nātou fuli ʼaē ʼe nonofo ʼi te ʼu falemaka fakamanatu ʼe natou logo anai ki tona leʼo pea ʼe natou hū mai anai ki tuʼa.”—Soane 5:28, 29; 11:25; Mateo 20:28.
ʼE hoko feafeaʼi anai ia te faʼahi ʼaia? ʼE fakamahino ia te faʼahi ʼaia ʼi “te logo lelei ʼo te puleʼaga,” ʼaē neʼe kamata tala e Sesu ʼi tana ʼi te kele. (Mateo 4:17-23) Kae iā ʼaho nei, ko te kau Fakamoʼoni ʼa Sehova ʼe natou faka mafola ia te logo lelei ʼi hona ʼaluʼaga ʼe makehe.
[Fakamatala ʼo te pasina 13]
TE ʼU MEʼA ʼAĒ ʼE TUI KIAI TE KAU FAKAMOʼONI ʼA SEHOVA
Te Meʼa ʼAē Tona Fakamoʼoni
ʼe Natou Tui Kiai ʼi Te Tohi-Tapu
Ko te Tohi-Tapu ʼe ko te 2 Tim. 3:16, 17; 2 Pet.
Folafola ʼa te ʼAtua pea ʼe moʼoni 1:20, 21; Soa. 17:17
Ko te huafa ʼo te ʼAtua, Pes. 83:18; Isa. 26:4;
ko Sehova 42:8, AC; Eke. 6:3
Ko Kilisito ʼe ko te ʼAlo ʼo te Mat. 3:17; Soa. 8:42;
ʼAtua pea ʼe mālalo age ia ʼi te 14:28; 20:17;
ʼAtua 1 Ko. 11:3; 15:28
Ko Kilisito ia te ʼuluaki fakatupu Kol. 1:15;
ʼa te ʼAtua Fakh. 3:14
Ko Kilisito neʼe ina foaki ia tona Mat. 20:28;
maʼuli ohagē ko he totogi maʼa 1 Tim. 2:5, 6;
te hahaʼi fakalogo 1 Pet. 2:24
Ko te sākilifisio tuʼa tahi pē Loma 6:10;
ʼa Kilisito neʼe feʼauga Hep. 9:25-28
Ko Kilisito neʼe fakatuʼuake 1 Pet. 3:18;
mai te kau mate ko he Loma 6:9;
laumālie tuputupua Fakh. 1:17, 18
Ko te ʼi henī ʼa Kilisito Soa. 14:19; Mat. 24:3;
ʼe fakapulipuli 2 Ko. 5:16; Pes. 110:1, 2
ʼE tou māʼuʼuli nei ʼi Mat. 24:3-14; 2 Tim.
‘te temi ʼo te fakaʼosi’ 3:1-5; Luka 17:26-30
ʼE puleʼi anai e te Puleʼaga ʼo Isa. 9:6, 7; 11:1-5;
Kilisito ia te kele ʼaki ia te Tan. 7:13, 14;
faitotonu pea mo te tokalelei Mat. 6:10
ʼE foaki anai e te Puleʼaga ʼaia Pes. 72:1-4; Fakh. 7:9,
ia he maʼuli ʼe lelei ki te kele 10, 13-17; 21:3, 4
ʼE mole fakaʼauha anai te kele Tnk. 1:4; Isa. 45:18;
peʼe tuʼu lāvaki Pes. 78:69
ʼE molehi anai e te ʼAtua ia te tuʼu Fakh. 16:14, 16;
ʼo te ʼu faʼahiga meʼa ʼaenī Sofo. 3:8; Tan. 2:44;
ʼi te tau ʼo Halamaketone Isa. 34:2; 55:10, 11
ʼE fakaʼauha anai ia te Mat. 25:41-46;
kau agakovi ʼo talu ai 2 Tes. 1:6-9
Ko te hahaʼi ʼaē ʼe tali e te ʼAtua Soa. 3:16; 10:27, 28;
ʼe natou maʼu anai te maʼuli heʼegata 17:3; Mko. 10:29, 30
ʼE ko te ala pē e tahi ʼe ina taki Mat. 7:13, 14;
ki te maʼuli Efe. 4:4, 5
ʼE mate te tagata ʼuhi ko te Loma 5:12; 6:23
agahala ʼa Atama
ʼE mole hoko atu te maʼuli Esk. 18:4; Tnk. 9:10;
Ko te ʼifeli ʼe ko te faitoka ʼaē Sopo 14:13, Sa; Fakh.
ʼe mālōlō ai te tagata fuli pē 20:13, 14, AG
Ko te ʼamanaki ʼa te kau mate 1 Ko. 15:20-22; Soa.
ʼe ko te fakatuʼuake 5:28, 29; 11:25, 26
ʼE pulihi anai ia te mate ʼaē neʼe 1 Ko. 15:26, 54;
tou maʼu mai ia Atama Fakh. 21:4; Isa. 25:8
ʼE gata pē ki te kiʼi faga ovi ʼaē ʼe Luka 12:32; Fakh.
natou toko 144 000, kā ʼolo ki selō 14:1,3; 1 Ko. 15:
pea mo kaugā hau mo Kilisito 40-53; Fakh. 5:9, 10
ʼE toe tutupu anai ia te toko 144 000 1 Pet. 1:23; Soa.
ko he ʼu foha fakalaumālie ʼo te ʼAtua 3:3; Fakh. 7:3, 4
ʼE fai ia te fuakava foʼou mo te Sel. 31:31;
Iselaele fakalaumālie Hep. 8:10-13
ʼE laga ia te kōkelekāsio ʼa Kilisito Efe. 2:20; Isa.
ʼo fakatafito kiā ia totonu 28:16; Mat. 21:42
Ko te ʼu faikole ʼe fai fakahagatonu pē Soa. 14:6, 13, 14;
kiā Sehova ʼaki ia Kilisito 1 Tim. 2:5
ʼE mole tonu ke fakaʼaogaʼi ia te ʼu Eke. 20:4, 5; Lev.
akatātā ʼi te tauhi ki te ʼAtua 26:1; 1 Ko. 10:14;
ʼE tonu ke tou fakamamaʼo mai te Teu. 18:10-12; Kal.
faifakalauʼakau 5:19-21; Lev. 19:31
Ko Satana ʼe ko te pule fakapulipuli 1 Soa. 5:19; 2 Ko.
ʼo te mālamanei 4:4; Soa. 12:31
ʼE mole tonu ke lagolago ia he 2 Ko. 6:14-17;
Kilisitiano ki he ʼu fakatahitahi 11:13-15; Kal. 5:9;
faka lotu Teu. 7:1-5
ʼE tonu ki te Kilisitiano ke Sake 4:4; 1 Soa. 2:15;
fakamamaʼo mai te mālamanei Soa. 15:19; 17:16
ʼE tonu ke tou fakalogo ki te ʼu lao Mat. 22:20, 21;
fakatagata ʼaē ʼe mole fakafeagai 1 Pet. 2:12;
ki te ʼu lao ʼa te ʼAtua 4:15
Ko te ʼai ʼo te toto ki totatou sino, Sen. 9:3, 4;
ʼaki hatatou kai kiai peʼe ʼaki he ʼu Lev. 17:14;
foʼi huki, ʼe ko he talagataʼa ia ki te Gāue 15:28, 29
ʼu lao ʼa te ʼAtua
ʼE tonu ke tou fakalogo ki te ʼu lao 1 Ko. 6:9, 10;
ʼa te Tohi-Tapu ʼo ʼuhiga mo te aga Hep. 13:4; 1 Tim.
ʼaē ʼe tonu ke fai 3:2; Taag. 5:1-23
Ko te lao ʼo ʼuhiga mo te Sāpato Teu. 5:15; Eke. 31:13;
neʼe foaki pē ia ki Iselaele pea Loma 10:4; Kal. 4:9,
neʼe fakagata fakatahi mo te Lao 10; Kol. 2:16, 17
ʼa Moisese
ʼE mole talanoa ʼi te Tohi-Tapu ki he Mat. 23:8-12;
kalasi ʼo he kau takitaki lotu pea mo 20:25-27;
he ʼu higoa faka tuʼulaga makehe Sopo 32:21, 22
Ko te tagata neʼe mole haʼu ia mai Isa. 45:12; Sen.
te geli kae neʼe fakatupu ia e te ʼAtua 1:27; Mat. 19:4
Neʼe tuku mai e Kilisito ia te 1 Pet. 2:21;
faʼifaʼitaki ke tou mulimuli kiai Hep. 10:7;
ʼi tatatou tauhi ki te ʼAtua Soa. 4:34; 6:38
Ko te fakauku kātoa ʼo totatou sino Mko. 1:9, 10;
ʼi te papitema ʼe ko te fakatātā ʼaia Soa. 3:23;
ʼo te foaki ʼo totatou maʼuli Gāue 19:4, 5
ki te ʼAtua
ʼE fiafia ia te kau Kilisitiano Loma 10:10;
ʼi te faka mafola ki te hahaʼi Hep. 13:15;
ia te moʼoni ʼo te Tohi-Tapu Isa. 43:10-12
[Paki ʼo te pasina 12]
KO TE KELE . . . neʼe fakatupu e Sehova . . . ke tokaga kiai te tagata . . . ke nofoʼi ʼo talu ai