Neʼe Ina “Fakamafola Te Puleʼaga ʼo Te ʼAtua Mo He Faʼifaʼitaliha”

ʼI te koga 8 ʼaeni, ʼe tou vakaʼi anai te ʼu ʼahiʼahi ʼae neʼe tau mo Paulo. Ohage la, neʼe fakatagaʼi ia ia e te hahaʼi itaita, neʼe puke pea mo ʼave ʼo pilisoniʼi. Pea neʼe ina fakamahino tana tui ʼi muʼa ʼo te ʼu pule Loma kehekehe. Lolotoga te ʼu faigataʼaʼia ʼaia, neʼe hoko atu pe e Paulo tana fakamoʼoni ʼo ʼuhiga mo te Puleʼaga ʼo te ʼAtua. ʼI tau vakaʼi te fakaʼosi ʼo te tohi ʼo Gaue, ʼe lelei ke ke fai te fehuʼi ʼaeni: ‘ ʼE feafeaʼi haku faʼifaʼitakiʼi te lototoʼa mo te faʼafai ʼa Paulo?’