Neʼe Ko Ai Koa Ia Sesu?

Neʼe fekauʼi mai e Sehova ia Sesu ki te kele. 1 Soane 4:9

Kapau ʼe tou fia fakafiafiaʼi ia Sehova, ʼe tonu ke tou fakalogo ki te tahi tagata maʼuhiga. ʼI muʼa ʼo tana fakatupu ia Atama, neʼe fakatupu e Sehova te ʼāselo mālohi ʼaupitō ʼi te lagi.

ʼAki te temi, neʼe fekauʼi mai e Sehova te ʼāselo ʼaia ke haʼu ʼo tupu ʼi he fafine tāupoʼou ʼe higoa ko Malia ʼi Petelehemi. Neʼe fakahigoaʼi te kiʼi tamasiʼi ʼaia ko Sesu.—Soane 6:38.

ʼI tana maʼuli ʼi te kele, neʼe fakaʼata lelei e Sesu te ʼu kalitātē ʼo te ʼAtua. Neʼe agalelei, mo lotoʼofa pea neʼe faigafua te fakaovi age ʼa te hahaʼi kiā te ia. Neʼe lototoʼa, ʼo ina akoʼi kiʼihi te moʼoni ʼo ʼuhiga mo Sehova.

Neʼe agalelei ia Sesu kae neʼe fehiʼaʼinaʼi. 1 Petelo 2:21-24

Neʼe fēhihiʼa te kau takitaki lotu kiā Sesu ʼuhi ko tana fakahā tanatou ʼu akonaki loi pea mo tanatou ʼu aga ʼaē ʼe kovi.

Neʼe toe fakamālōlō e Sesu te hahaʼi māhahaki pea mo fakatuʼuake te hahaʼi neʼe kua mamate.

Neʼe fakalotoʼi e te kau takitaki lotu te kau Loma ke natou huipiʼi ia Sesu pea mo matehi ia ia.