He ʼu Palalau Fakalotomalohi Mo Lelei

Sopo 16:5

TE ʼU MANATU ʼAE KE TAʼOFI: Palalau tafito ki te ʼu puleʼaki kae mole ko te ʼu fihifihia, pea ke ke toe palalau ki he ʼu manatu ʼe ina uga ia natou ʼae ʼe fagono atu ke natou maʼuliʼi.

TONA FAʼAHIGA FAI:

• Taupau he manatu ʼe lelei ʼo ʼuhiga mo te hahaʼi. Manatuʼi ʼe fia fakafiafiaʼi e ʼou tehina mo tuagaʼane te loto ʼo Sehova. Tatau aipe pe ʼe tonu ke ke fai he ʼu tokoni, kae ke ke kamata ʼaki hau fakamalo kia natou ʼi te temi fuli pe ʼae ʼe feala ai.

• Ke mole lahi te ʼu manatu fakatupu lotovaivai. ʼE feala pe hau palalau ki he ʼu aluʼaga fakatupu lotovaivai, mo kapau ʼe ʼi ai hona ʼaoga. Kae ʼe tonu ke fakatupu lotomalohi tau akonaki peʼe faipalalau.

• Fakaʼaogaʼi lelei te Folafola ʼa te ʼAtua. Fakaha te ʼu meʼa ʼae kua ʼosi fai e Sehova maʼa te malamanei, ʼo feia pe mo te ʼu meʼa ʼae ʼe ina fai ʼi te temi nei, pea mo te ka haʼu. Faiga ke natou maʼu ai he ʼamanaki pea mo he lotomalohi.