AKO 17
He ʼu Manatu ʼe Mahino Gafua
1 Kolonito 14:9
TE MANATU ʼAE KE TAʼOFI: Tokoni kia natou ʼae ʼe fagono atu ke natou mahino ki te fakaʼuhiga ʼo ʼau palalau.
TONA FAʼAHIGA FAI:
Vakavakaʼi lelei te ʼu faʼahi ʼae ʼe fakatafito ki ai tau akonaki, peʼe ko tau faipalalau. Ke ke mahino lelei ki te kupu tafito ʼae ka ke talanoa ki ai, ke faigafua ai tau fakamahino ʼaki ʼau palalau ʼa koe totonu.
Fakaʼaogaʼi he ʼu falasisi ʼe nounou mo faigafua. ʼE mole fakaʼuhiga leva ke mole fakaʼaogaʼi he ʼu falasisi ʼe loloa, kae ʼe lelei age ke ke fakaha te ʼu manatu tafito ʼaki he ʼu falasisi nounou mo mahino gafua.
Fakamahino he ʼu kupu ʼe mole faʼa iloʼi e te hahaʼi. Kapau ʼe feala, ʼaua naʼa ke fakaʼaogaʼi he ʼu kupuʼi palalau ʼe mole mahino ki ai ia natou ʼae ʼe fagono atu. Kae ka ke talanoa ki he ʼu higoa, peʼe fakaʼaogaʼi he ʼu kupu ʼe mole faʼa iloʼi e te hahaʼi, ohage la ko te ʼu higoa ʼo natou ʼae ʼi te Tohi-Tapu, peʼe ko he ʼu agaʼi fenua ʼafeā pea mo he ʼu faʼahiga fakafuafua ʼo te temi muʼa, ʼe lelei ke ke fakamahino.