ʼUluaki Palalau

ʼE KEI ʼAOGA KOA TE TOHI-TAPU KI TOTATOU TEMI?

Kua lahi te ʼu fealagia ʼe tou maʼu ʼi te temi nei, ʼi te kua haʼele ki muʼa ʼo te maʼuli. Koia, ʼe kei ʼaoga pe koa te Tohi-Tapu peʼe kailoa? ʼE ui fenei ʼi te Tohi-Tapu:

“Ko meʼa fuli ʼae ʼe tohi ʼi te ʼu Tohi Taputapu ʼe haʼu ia mai te ʼAtua. ʼE ʼaoga.”—2 Timoteo 3:16.

ʼI Te Tule Leʼo ʼaeni, ʼe vakaʼi ai pe ʼe feala koa ke tokoni mai te Tohi-Tapu ki te takitaki ʼo totatou maʼuli.