Te Moʼoni ʼo ʼUhiga Mo Te Puleʼaga ʼo Te ʼAtua
Neʼe ui e Sesu ki ʼana tisipulo ke natou faikole fenei: “Ko tamatou Tamai ʼae ʼe ʼi selo, ke tapuha tou huafa. Ke hoko mai tou Puleʼaga. Ke fai tou finegalo ʼi te kele ohage ko selo.” (Mateo 6:9, 10) Kae kotea ia te Puleʼaga ʼo te ʼAtua mo te ʼu gaue ʼae ʼe ina fakahoko? He koʼe koa ʼe tonu ke tou faikole ki ai?
ʼE Hau Ia Sesu ʼi Te Puleʼaga ʼo Te ʼAtua.
Luka 1:31-33: ʼE “ke fakahigoaʼi anai ia ia ko Sesu. ʼE maʼuhiga anai pea ʼe fakahigoa anai ko te ʼAlo ʼo te Maʼoluga, pea ko Sehova ʼAtua ʼe ina foaki age anai te hekaʼaga fakahau ʼo Tavite tana tamai, pea ʼe hau anai ia ki te ʼapi ʼo Sakopo ʼo talu ai, pea ʼe mole he gataʼaga anai ʼo tona Puleʼaga.”
Neʼe Palalau Tafito Ia Sesu Ki Te Puleʼaga.
Mateo 9:35: “Neʼe alu ia Sesu ki te ʼu kolo lalahi pea mo te ʼu kolo liliki fuli, ʼo faiakonaki ʼi ʼonatou sinakoka, mo fakamafola te logo lelei ʼo te Puleʼaga pea mo fakamalolo te ʼu mahaki pea mo te ʼu maʼimoa kehekehe.”
Neʼe fakaha e Sesu he fakailoga ki ʼana tisipulo ke natou iloʼi te temi ʼae ka vave haʼu ai te Puleʼaga.
Mateo 24:7: “ ʼE fakafeagai anai he fenua ki he tahi age fenua, pea mo he puleʼaga hau ki he tahi age puleʼaga hau, pea ʼe hoko anai ni hoge pea mo ni mafuike mai he potu ki he tahi age potu.”
ʼE fakamafola e te ʼu tisipulo ʼa Sesu ia te Puleʼaga ʼi te malamanei katoa.
Mateo 24:14: “Ko te logo lelei ʼaeni ʼo te Puleʼaga ʼe fakamafola anai ʼi te kele katoa ko he fakamoʼoni ki te ʼatu puleʼaga, pea hoki hoko mai anai ia te fakaʼosi.”