Te Moʼoni ʼo ʼUhiga Mo Totatou Ka Haʼu

Neʼe fakaha mai e Sesu te ʼu fakailoga ke tou “iloʼi kua ovi mai te Puleʼaga ʼo te ʼAtua.” (Luka 21:31) ʼE lahi anai te tau mo ni mafuike lalahi, te hoge mo te ʼu mahaki. Ko te ʼu aluʼaga fuli ʼaia ’e tou sisio ki ai ia ʼaho nei.—Luka 21:10-17.

ʼI te ʼu vaega ʼo 2 Timoteo 3:1-5 ʼe palalau ai ki te aga kovi ʼa te hahaʼi lolotoga te ʼu “ ʼaho fakamuli.” Pea kua hoko moʼoni te lea fakapolofeta ʼaia he ʼe kua tou sisio ki te ʼu aga ʼaia ʼi ʼotatou tafaʼaki.

Kotea tona fakaʼuhiga? Kua vave hoko mai pe te temi ʼae ka fakafoʼou ai anai e te Puleʼaga ʼo te ʼAtua totatou maʼuli. (Luka 21:36) ʼE maʼu ʼi te Tohi-Tapu te ʼu fakapapau taulekaleka ʼo ʼuhiga mo te kele pea mo te hahaʼi. Tou vakaʼi te ʼu fakapapau ʼaia.

HE TAKITAKI LELEI

“Nee foaki leva kia [Sesu] te pule, mo te kololia, mo te hau; pea nee tauhi leva kia ia te u hahai fuli, mo te u puleaga, pea mo te u tagata mai te u lea kehekehe fuli. Ko tana pule ko he pule heegata, ae e mole toe gata anai, pea e mole toe maumaui anai tona puleaga i he aho.”—TANIELA 7:14.

Fua Lelei: ʼE ke fakalogo anai ki te Puleʼaga maʼoluga ʼae neʼe fakatuʼu e te ʼAtua pea ʼe takitaki e tona ʼAlo.

HE MAʼULI MALOLO LELEI

“E mole ui e he tahi: E au mahaki!”—ESAIA 33:24.

Fua Lelei: ʼE mole ke toe tuʼania anai naʼa ke mahaki mo maʼimoa pea ʼe mole ke mate anai ʼi he ʼaho.

TE TOKALELEI

“Nee ina fakagata te u tau o kaku ki te u [“potu,” MN] taupotu o te kele.” —PESALEMO 46:10.

Fua Lelei: ʼE mole toe fetauʼaki anai te hahaʼi, puli ai mo te ʼu mamahi fuli ʼae ʼe tupu mai ai.

ʼE FONU ANAI TE KELE KO TE HAHAʼI AGALELEI

ʼE “pulihi anai ia te tagata agakovi . . . ’E ma’u anai e te kau agavaivai te kele.” —PESALEMO 37:10, 11, MN.

Fua Lelei: ʼE pulinoa anai te kau agakovi he ko te hahaʼi pe ʼae ʼe fakalogo ki te ʼAtua ʼae ka maʼuʼuli ʼi te kele.

ʼE LILIU ANAI TE KELE KATOA KO HE PALATISO

“E natou fakatuu anai ni fale, pea e natou nonofo anai i ai. E natou to anai ni gaueaga vite, pea e natou kai anai onatou fua.” —ESAIA 65:21, 22.

Fua Lelei: ʼE taulekaleka anai te kele katoa, pea ʼe hoko anai tatatou kole ʼae ki te ʼAtua ke ina fai tona finegalo “ ʼi te kele.”—Mateo 6:10