He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 15 ʼo Sān.

“ ʼE tou fakaʼamu fuli ki he maʼuli ʼe lelei age maʼa tatou pea mo ʼatatou fānau, kae tokolahi ʼe nātou manatu ʼe mole lava hoko he meʼa feiā. ʼI tau manatu ʼe tou lava filifili koa ia totatou ka haʼu? [Tuku ke fai mai hana tali.] ʼE fakahā ʼi te nusipepa ʼaenī ko te Tohi-Tapu ʼe ina fakahā mai ʼe tou lava fai ia te meʼa ʼaia kae ʼe fakalogo ia totatou ka haʼu ki te ʼu meʼa ʼaē ʼe tou filifili ʼi te temi nei.” Lau age ia Teutalonome 30:19.

Réveillez-vous! ʼaho 22 ʼo Sān.

“Ka tou mahaki, ʼe tou leleiʼia fuli mokā ʼe tokagaʼi e te tōketā ia te ʼu meʼa ʼaē ʼi ʼotatou loto. Kae fakakaukauʼi age muʼa, pe ko mahaki e toko fia ʼe nātou tokagaʼi ia te ʼu meʼa ʼaē ʼi te loto ʼo ʼonatou tōketā? [Tuku ke fai mai hana tali.] ʼE fakahā ʼi te nusipepa ʼaenī te ʼu fihifihia ʼaē ʼe tau mo te ʼu tōketā pea mo te ʼu faitoʼo ʼaē ki te ka haʼu.” Lau age ia Isaia 33:24.

Te Tule Leʼo ʼaho 1 ʼo Fep.

“ ʼE mole fakatupu tuʼania koa te kua tokolahi ia ʼaho nei ʼo te hahaʼi ʼaē ʼe taʼomia pea mo gaohi koviʼi? [Talanoa ki he meʼa neʼe hoko, pea tuku ke fai mai hana tali.] ʼE fakahā ʼi te nusipepa ʼaenī ia te manatu ʼa te ʼAtua ʼo ʼuhiga mo te maʼuli ʼo te hahaʼi. ʼE ina toe fakamahino mai peʼe feafeaʼi anai tana hāofaki ia tatou mai te mamahi ʼaē ʼe hoko ʼi te temi nei.” Lau age ia Pesalemo 72:12-14.

Réveillez-vous! ʼaho 8 ʼo Fep.

“ ʼI te ʼu fihifihia lahi ʼaē ʼe tau mo tatou ia ʼaho nei, ʼe kau ai ia te lotohoha. Koteā tau manatu ki te faʼahi ʼaia? [Tuku ke fai mai hana tali.] Neʼe fakakikite moʼoni ʼi te Tohi-Tapu ʼe hoko anai ia te faʼahi ʼaia. [Lau age ia 2 Timoteo 3:1.] ʼE fakahā ʼi te nusipepa ʼaenī ia te ʼu tokoni ʼe ʼaoga kiā koe pea mo tou famili moʼo tauʼi ia te lotohoha.”