Tou Tokoni Kia Natou Ke Natou “Tuu Malohi i Te Tui”

ʼE ko he meʼa fakafiafia tatatou sisio ʼae ki te tapuakiʼi e Sehova ia te tanaki mai ʼo te hahaʼi, heʼe ʼi te taʼu fuli ko te toko 250 000 tupu ʼe natou papitema. (Tet. 28:2) Ka tokoni he tehina peʼe ko he tuagaʼane ki he tahi ʼe ina ako te Tohi-Tapu ke kaku ki te papitema, pea ʼi te agamahani ʼe mole kei ina hoko atu tana fai ia te ako kaʼe ʼe tokaga leva ia ki ʼihi. Pea ʼe toe feala foki kia ia ʼae ʼe ako ke ina kole ke tuku tana ako ke lahi age tona temi ki te faifakamafola. Kaʼe ʼe maʼuhiga ke malolohi te kau ako Tohi-Tapu ʼi te moʼoni. ʼE ʼaoga ke natou “tauaka” ia Kilisito pea mo “tuu malohi i te tui.” (Kol. 2:6, 7; 2 Tim. 3:12) Koia, ʼi te ʼosi papitema ʼa he tahi ʼe ako, ʼe tonu ke hoko atu tana ako Tohi-Tapu ʼo kaku ki te kua ʼosi lelei ʼo te ʼu tohi Te Ako Mai Te Tohi-Tapu pea mo Te ʼOfa ʼo Te ʼAtua.—Vakaʼi Te Minisitelio ʼo Te Puleʼaga ʼo Apelili 2011.