He Faʼifaʼitaki ʼo He ʼu ʼUluaki Palalau
ʼE Tou Maʼu ʼIfea Te ʼu Tali Ki Te ʼu Fehuʼi Maʼuhiga ʼo Te Maʼuli?
Fakatoʼo age ki ai he kiʼi pepa lotu ke feala hana sio ki tona kupu tafitō pea mo ke ui fenei: “Malo tou maʼuli. ʼE ma kau ki te tufa ʼe fai ʼi te malamanei katoa, ʼo ʼuhiga mo te kiʼi pepa lotu ʼaeni. Koʼeni tau kiʼi pepa lotu.”
Kapau ʼe kotou tuku he kiʼi pepa lotu ʼi he ʼapi ʼe lavaki, kotou tuku ʼi he faʼahi ʼe mole sio ki ai te hahaʼi ʼae ʼe fakalaka. Kotou tokakaga ke ʼaua naʼa makanuminumi te kiʼi pepa lotu.
Kapau ʼe fia faipalalau he tahi, fai age ia te fehuʼi ʼae ʼe tuʼu ʼi te ʼuluaki pasina. Avahi te kiʼi pepa lotu pea mo ke lau age ia te Pesalemo 119:144, 160. Fakamahino age ʼe feala ke ina maʼu ʼi te kiʼi pepa lotu ia he ʼu logo ʼo ʼuhiga mo tatatou tuʼasila ʼi te Neti, ʼe maʼu ai he ʼu tali Fakatohi-tapu ʼe lelei. Kapau ʼe feala, fakaha age ki ai ia te kiʼi ʼata viteo He Ko ʼe ʼe Lelei Ke Ke Ako Te Tohi-Tapu? ʼI muʼa ʼo hau mavae, fakaha age ia te ʼu fehuʼi ʼe tolu ʼae ʼe tuʼu ʼi te pasina fakaʼosi pea mo fakalavelave age pe ʼe ko te fehuʼi fea ʼae ʼe ina leleiʼia. Kole age pe ʼe feala la ke ke toe liliu age ʼo fakaha age pe ʼe feafeaʼi hana maʼu ia te tali Fakatohi-tapu ʼi te Neti ʼi te jw.org. Ka ke toe liliu ki ai, vakaʼi mo ia ia te tali ʼi te Neti ʼi te kupu LA BIBLE ET VOUS > QUESTIONS BIBLIQUES.
Kapau, ʼi te ʼu ʼaho ʼaia, ʼe ke tufa mo te ʼu pepa fakaafe ki te fakatahi fakafenua, fakatoʼo age ki ai mo te pepa fakaafe pea mo ke ui fenei age: “Pea tahi, ʼe ma fia fakaafe atu koe ki he tahi toʼotoʼoga.”
Ko Te Tule Leʼo Sulio–Sepetepeli
“ʼE lau ko te toko 6 000 000 ʼe mamate ʼi te taʼu fuli ʼuhi ko te suluka. ʼI tau manatu la, ʼe ʼi koa he puleʼaki moʼo fakagata ia te tuʼutamaki ʼaia? [Tuku ke fai mai hana tali.] Tokolahi neʼe natou lava tuku tanatou suluka ʼuhi ko tanatou iloʼi ia te manatu ʼa te ʼAtua ʼo ʼuhiga mo te faʼahi ʼaia. Ohage la, neʼe ʼi ai ʼihi neʼe natou lau ia te vaega Fakatohi-tapu ʼaeni pea mo fakakaukauʼi pe ʼe feala ke fua kovi feafeaʼi ki ʼihi. [Lau ia 1 Kolinito 10:24.] ʼE fakamahino ʼi te nusipepa ʼaeni pe ʼe lava taʼofi feafeaʼi e he tahi tana suluka mo kapau ʼe ina iloʼi ia te manatu ʼa te ʼAtua ʼo ʼuhiga mo te faʼahi ʼaia.” Fakaha age ki ai ia te ʼuluaki alatike ʼi te pasina 12.
Réveillez-vous! ʼAukusito
ʼI te ʼu fakaʼosi vahaʼa, mo kapau ʼe feala, ui fenei ʼo ʼuhiga mo te nusipepa Réveillez-vous !: “ʼE au fia foaki atu te nusipepa foʼou ʼaeni. ʼE tali ʼi te nusipepa ki te fehuʼi ʼaeni: ʼE lava maʼu feafeaʼi e te hahaʼi ia te tokalelei?”