ʼE Ke Fakaʼaogaʼi Koa Te JW Library?

Ko te JW Library, ʼe ko he meʼa gaue ʼe toʼo noa mai te Neti. ʼAki te meʼa gaue ʼaia, ʼe feala anai ke ke toʼo mai ʼi te Neti ia te Tohi-Tapu, mo ʼihi atu tohi, mo te ʼu ʼata viteo pea mo te ʼu polokalama ʼae neʼe puke, ʼo ʼai ki tau telefoni toʼotoʼo, peʼe ko tau tablette, peʼe ko tau olotinatea.

ʼE FEAFEAʼI TONA MAʼU? ʼE feala hau toʼo mai te Neti ia te Application JW Library ʼaki te Play Store. Ko te meʼa gaue ʼaia, ʼe feala ke fakaʼaogaʼi ʼi te ʼu faʼahiga masini toʼotoʼo kehekehe. ʼI tau ʼi te Neti, avahi te meʼa gaue ʼaia pea mo filifili te ʼu tohi ʼae ke puke ki tau kiʼi masini toʼotoʼo. Kapau ʼe mole ʼi ai hau Neti ʼi tou ʼapi, ʼe lagi feala ke ke fai te faʼahi ʼaia ʼi te Fale Fono, peʼe ko he fale tanakiʼaga tohi, peʼe ko he fale kafe. Kapau kua toʼo mai ʼi te Neti te ʼu tohi ki tau kiʼi masini toʼotoʼo, ʼe mole ʼaoga anai ke ʼi ai he Neti ke ke avahi ʼau tohi. Mai tona aluʼaga ʼae ʼe ʼi ai te ʼu tohi foʼou ʼe ʼai ki te JW Library, pea ʼe tonu anai ke ke tau alu ki te Neti ʼo toʼo mai ai.

HE KOʼE ʼE TONU KE KE MAʼU? ʼE ʼaoga ʼaupito ia te JW Library ki tau ako tokotahi pea mo tau mulimuli ʼi te ʼu fono. ʼE toe ʼaoga ki te faifakamafola. ʼE toe tokoni ki ʼihi te meʼa gaue ʼaia tafitō la moka natou fai fagonogono faigamalie.