ʼE Feafeaʼi Hatatou Fai He ʼu Tali ʼe Lelei?

Ko te ʼu tali ʼae ʼe lelei ʼe ina fakalotomalohiʼi ia te kokelekasio. (Lo 14:19) Kaʼe ʼe toe fua lelei foki kia natou ʼae ʼe natou fai te ʼu tali. (Taa 15:23, 28) Pea ʼe tonu pe ke tou faiga ke tou fai hatatou tali. ʼE moʼoni ia, ʼe mole anai ui mai ke tou fai he tali ʼi te ʼu fehuʼi fuli ʼo te ʼu fono. Kaʼe ʼe lelei ke tou teuteuʼi ni tali ʼe lahi.

Ko he tali ʼe lelei . . .

• ʼe faigafua mo mahino pea mo nounou. Pea ʼe lelei age ke sekonita 30 peʼe siʼi ifo

• ʼe lelei age ke tou tali ʼaki ʼatatou palalau ʼa tatou totonu

• ʼe mole ʼaoga ke tou fai te tali ʼae neʼe kua ʼosi fai e he tahi

Kapau ʼe tou fai te ʼuluaki tali . . .

• tou fai he tali ʼe faigafua pea mo tali fakahagatonu ki te fehuʼi

Kapau kua ʼosi fai te tali ki te fehuʼi, ʼe feala pe ke tou . . .

• talanoa ki he vaega mo tona pikipikiga mo te manatu ʼae ʼe tou lolotoga palalau ki ai

• fakaha pe ʼe malave feafeaʼi te manatu ʼaia kia tatou

• fakamahino pe ʼe feafeaʼi anai hatatou maʼuliʼi te manatu ʼaia

• fakamatala fakanounou he aluʼaga neʼe hoko ʼe alu tahi mo te manatu ʼaia