He ’u ʼUluaki Palalau

KO TE TULE LEʼO

Fehuʼi: ʼI tau manatu la, kotea te meʼa ʼofa maʼuhiga ʼae neʼe foaki mai e te ʼAtua maʼa tatou?

Vaega: Soa 3:16

Tufa: ʼI te nusipepa ʼaeni, ʼe talanoa ai pe koʼe neʼe fekauʼi ifo e te ʼAtua ia Sesu ki te kele ke haʼu ʼo mate maʼa tatou. Pea ʼe tou fakaha feafeaʼi totatou lotofakafetaʼi ki te meʼa ʼofa ʼaia.

KOTEA IA TE PULEʼAGA ʼO TE ʼATUA?

Fehuʼi: [Fakaha age te fehuʼi ʼae ʼe tuʼu ʼi te ʼuluaki pasina.] Kotea tau tali ki te fehuʼi ʼaia? Ko te Puleʼaga ʼo te ʼAtua ʼe ko he faʼahi koa ʼi tou loto? ʼe ko he palalau fakata koa? peʼe ko he puleʼaga ʼi te lagi?

Vaega: Tan 2:44; Esa 9:5

Tufa: ʼI te pepa lotu ʼaeni, ʼe fakamahino ai pe kotea te fakaʼuhiga ʼo te Puleʼaga ʼo te ʼAtua kia koe.

FAKAAFE KI TE ʼAHO FAKAMANATU

Tufa: ʼE matou fakaafe te hahaʼi ki he toʼotoʼoga maʼuhiga. [Fakatoʼo age tana pepa fakaafe.] ʼI te ʼaho 11 ʼo Apelili, ʼe fakatahitahi anai ia te toko lauʼi miliona hahaʼi ʼi te malamanei katoa ʼo fakamanatu ia te mate ʼo Sesu. ʼE fai anai ia he akonaki ʼe talanoa ki te ʼu lelei ʼe feala ke tou maʼu mai tona mate. ʼE tohi ʼi te pepa ʼaeni ia te hola pea mo te koga meʼa ʼae ʼe fai ai tamatou fakatahi. ʼE matou fiafia anai ʼi te fakatalitali ʼo koe.

TOHI ʼAU PALALAU

Fakaʼaogaʼi te faʼahiga fakatuʼutuʼu ʼo he ʼu ʼuluaki palalau moʼo tohi ʼau palalau.